નવી દિલ્હી : કોરોના સાથેની જંગ વચ્ચે વડાપ્રધાન મોદી આજે દેશવાસિઓને " મન કી બાત "દ્વારા સંબોધિત કરી રહ્યાં છે. વડાપ્રધાન મોદીની આ 65મી " મન કી બાત " છે. છેલ્લા સોમવારે વડાપ્રધાન મોદીએ ટ્વિટ કરીને લોકો પાસે સૂચનો માંગ્યા હતા. 31મી મેના રોજ લોકડાઉન 4.0 સમાપ્ત થઇ રહ્યું છે.
વડાપ્રધાન મોદી આજે સવારે 11 વાગ્યે રેડિયો કાર્યક્રમ " મન કી બાત " દ્વારા લોકોને સંબોધિત કરી રહ્યાં છે. વડાપ્રધાન મોદી આજે લોકડાઉન ખુલવા બાદ 1 જૂનથી ક્યા- ક્યા ફેરફારો આવી શકે છે તે વિશે વાત કરી શકે છે. આ સિવાય મોદી સરકારના બીજા કાર્યકાળનું પ્રથમ વર્ષ પૂર્ણ થવા જઇ રહ્યો છે તેથી સરકારની ઉપલબ્ધિયો વિશે પણ તેઓ વાત કરી શકે છે.
પીએમ મોદીના સંબોધનના મહત્વના કેટલાક અંશ
કોરોનાથી થતાં લોકોને મૃત્યુદર ઓછો છે, જે નુકસાન થયું છે તેનું દુઃખ આપણને બધાને છે.
છેલ્લા બે વખતથી મન કી બાત પર આપણે મોટા પાયે કોવિડ 19 પર ચર્ચા કરી રહ્યાં છીએ.
ભારતમાં લોકો કોરોનાને માત આપી રહ્યાં છે.
આપણે ભારતીયોએ કોવિડ 19 વિરુદ્ધ લડાઈ લડવા એક થયા છીએ
પોતાના ટ્વિટમાં તેમણે લખ્યું કે, 31મી મેના રોજ આયોજીત " મન કી બાત " કાર્યક્રમ માટે હું જનતાના સૂચનોની રાહ જોઇ રહ્યો છું. તમે 1800-11-7800 પર સંદેશ રિકોર્ડ કરીને મોકલી શકો છો. આ સાથે નમો એપ અથવા મોઇગાવ પર લખીને સંદેશ મોકલી શકો છો.
