પાકિસ્તાની મીડિયા દ્વારા દાવો થઈ રહ્યો છે કે, શુક્રવારથી ભારતીય નાગરિક કુલભૂષણ જાધવને કાઉન્સેલર એક્સેસ અપાશે. આ અંગે ભારતના વિદેશ મંત્રાલયના પ્રવક્તા રવીશ કુમારે જણાવ્યુ હતુ કે, પાકિસ્તાન તરફથી કાઉન્સેલર એક્સેસનો પ્રસ્તાવ મળ્યો છે. આંતરરાષ્ટ્રીય કોર્ટના આદેશ અનુસાર આ પ્રસ્તાવ વિચારધીન છે. રાજદૂતોના માધ્યમથી આ મામલામાં પાકિસ્તાન સાથે વાત કરાશે. તેમજ આંતરરાષ્ટ્રીય કોર્ટના દિશા- નિર્દેશોનું ધ્યાન રખાશે.
કોર્ટના આદેશ પછી પાકિસ્તાનના વિદેશ મંત્રાલયે એક નિવેદન જાહેર કર્યુ હતું. તેમાં ઉલ્લેખ કરાયો હતો કે, પાકિસ્તાન તેમના કાયદા મુજબ ભારતીય નાગરીક કુલભૂષણ જાધવને રાજદ્વારી મદદ ઉપલબ્ધ કરાવશે.
