મીડિયા રિપોર્ટના જણાવ્યાં અનુસાર F-16નો પાયલટ હજુ સુધી ગાયબ છે. સૂત્રોના જણાવ્યાં અનુસાર જે જગ્યાએ F-16 પડ્યું, ત્યાં હાજર લોકોએ તેની સાથે મારપીટ કરી તેને મોતને ઘાટ ઉતારી દીધો હતો. પરંતુ પાકિસ્તાને હજુ સુધી તેનો સ્વીકાર કર્યો નથી.
પાક મીડિયામાં આ ન્યુઝ સામે આવ્યા ત્યારે આ ન્યુઝને નહીં ચલાવવાની સલાહ પણ આપવામાં આવી હતી. ઇમરાનખાન અને ત્યાંની સેના આ ન્યુઝ આવ્યા બાદ દબાવમાં આવી ગયા છે.
હકીકતમાં, તેના માટે પાકિસ્તાન જ જવાબદાર છે. કારણ કે જ્યારે પાકિસ્તાને દાવો કર્યો કે, તેને ભારતના વિમાન સાથે ટક્કર કરી છે. તે જ સમયે તે પણ કહ્યું હતું કે, પાયલટની પણ ધરપકડ કરી છે. ત્યાર બાદ જ્યારે ભારતીય અધિકારીએ જાહેરાત કરી કે, તેનો એક પાયલટ ગાયબ છે. ત્યારે આ બાબતને લઈ પાકિસ્તાન પાસે કોઈ વળતો જવાબ આપ્યો ન હતો.
હવે, જ્યારે વિંગ કમાંન્ડર પરત આવી ગયા છે, તો બીજો પાયલટ કોણ છે, પાકિસ્તાન તેના પર કોઇ નિવેદન આપતુ નથી. હાલ તો તેને ચુપકીદી સેવી લીધી છે.
કહેવામાં આવે છે કે, પાકિસ્તાન તેના જ જુઠાણામાં ફસાઇ ગયું છે. પહેલા તેણે F-16 વિમાન બાબતે ખોટુ નિવેદન આપ્યું હતું. પરંતુ ભારત પાસે તેના પુરાવા છે. તો પાકિસ્તાન તેનો કોઇ પણ પ્રત્યુત્તર આપતું નથી.
બીજો વિચાર તે પણ કરવામાં આવે છે કે, પાકિસ્તાની સૈન્યના અધિકારીઓએ બે પાયલટ હોવાની વાતને કબૂલી હતી, જેથી તેને તેની શાખ બચાવવાને લઇને તે હવે પાયલટની કોઇ માહિતી આપવા માંગતું નથી.
એટલુ જ નહીં, પરંતુ અમેરિકાએ પણ F-16 પર પાકિસ્તાનને સવાલ પૂછ્યો હતો. મીડિયા રિપોર્ટના જણાવ્યાં અનુસાર F-16નો ઉપયોગ આતંકવાદીઓ અથવા પોતાના રક્ષણ માટે પ્રયોગ કરી શકે છે.
