નવી દિલ્હી / નોઈડા: સેક્ટર -19 નોઇડા ઇન્ચાર્જ એસઆઇ સૌરભ શર્માએ રાશન માટે લાઇનમાં ઉભેલી મહિલાઓ પર લાઠી માર્યોનો વીડિયો વાઈરલ થયો હતો. જે બાદ ગૌતમબુદ્ધ નગર સી.પી.એ આ કેસની નોંધ લેતા સબ ઇન્સપેક્ટર સૌરભ શર્માને સસ્પેન્ડ કરી દીધા છે. જ્યારે વીડિયો વાયરલ થયો હતો. ત્યારે સોશ્યલ મીડિયા પર લોકોએ યુપી પોલીસ અને ગૌતમબુદ્ધ નગર કમિશનર પાસે કાર્યવાહી કરવાની માંગ કરી હતી.
એડિશનલ ડી.સી.પી રણવિજયસિંહે માહિતી આપતાં કહ્યું કે, વીડિયો વાયરલ થયા બાદ તેની તપાસ કરવામાં આવી હતી. તપાસમાં જાણવા મળ્યું છે કે, ઇન્ચાર્જે મહિલાઓ પર લાઠી મારી હતી. આવી સ્થિતિમાં તેમને સસ્પેન્ડ કરવામાં આવ્યા છે. એડિશનલ ડી.સી.પીએ તમામ સાથી પોલીસ કર્મીઓને ધૈર્યથી કામ કરવા વાત કરી છે અને લોકડાઉનમાં લોકોને સાથે મળીને કામ કરવા જણાવ્યું છે.
