અયોધ્યામાં હુમલાનો પ્લાન ઘડી રહ્યો છે જૈશ, 7 આતંકી ઘુસ્યા હોવાના મળ્યા ઇનપુટ

નવી દિલ્હી: ભારતીય ખુફિયા એજન્સીઓએ અયોધ્યામાં આતંકી હુમલાને લઇને એલર્ટ જાહેર કર્યુ છે. રિપોર્ટ મુજબ, આતંકી સંગઠન જૈશ-એ-મોહમ્મદનો સાગરીત મસૂદ અજહર અયોધ્યામાં હુમલાનો પ્લાન ઘડી રહ્યો છે.

ખુફિયા એજન્સીઓના જણાવ્યાં અનુસાર આતંકી મસૂદ અજહરે રામ મંદિર બનવાની જાહેરાત કર્યા બાદ આતંકીઓના મોટા હુમલાની વાત કહી છે.

એજન્સી મુજબ, સોશિયલ મીડિયા પ્લેટફોર્મ ટેલીગ્રામ દ્વારા અજહરે ભારતીય ધરતી પર મોટો હુમલો કરવાનુ કહ્યું છે.

સુરક્ષા એજન્સીઓ એ વાતથી ચિંતિત છે કે ગત મહિને પાકિસ્તાનના 7 આતંકવાદી ભારત-નેપાળના સરહદ પરથી દાખલ થયા હતા અને આ વખતે ઉતરપ્રદેશના ગોરખપુર અને અયોધ્યામાં છુપાયા છે.