ઈમરાન ખાને કાશ્મીર મુદ્દે ન્યૂક્લિયર હુમલાની પણ ધમકી આપી દીધી છે. કાશ્મીર મુદ્દે અમે કોઈ પણ હદે જવા તૈયાર છીએ. કામ કે, હવે કાશ્મીર મુદ્દાનું આંતરરાષ્ટ્રીયકરણ થઈ ગયું છે.
ઈમરાને આગળ જણાવ્યું હતું કે, મારી સરકાર આવ્યા બાદ મેં વિચાર્યું હતું કે, રોજગારી વધારવામાં આવે. જળવાયું પરિવર્તન ભારત અને પાકિસ્તાન બંને દેશોને પ્રભાવિત કરે છે. એટલા માટે અમે તમામ પાડોશીઓ સાથે મળી તેનું સમાધાન કરીશું.
ઈમરાન ખાને આગળ વાત કરતા જણાવ્યું કે, મેં ભારતને કહ્યું હતું કે, કાશ્મીર મામલે અમે દરેક રીતે વાત કરવા તૈયાર છીએ. જ્યારે પણ કાશ્મીર મુદ્દે વાત કરવા ઈચ્છતા ત્યારે તેઓ આતંકવાદને વચ્ચે લાવી રહ્યા હતા.
ઈમરાન ખાને એવું પણ જણાવ્યું હતું કે, કાશ્મીર મુદ્દાનું આંતરરાષ્ટ્રીયકરણ કરવામાં અમે સફળ થયા છીએ. અમે વિશ્વના તમામ મુખ્ય દેશો સાથે આ અંગે વાતચીત કરી છે. યુનાઈટેડ નેશનમાં પણ 1965 બાદ પહેલી વાર કાશ્મીર મુદ્દે ચર્ચા થઈ છે.
ઈમરાને આગળ કહ્યું હતું કે, FATF જેવી સંસ્થાઓ પાસે બ્લેકલિસ્ટ કરવાની કોશિશ કરી રહ્યા છે. 5 ઓગસ્ટના રોજ કાશ્મીર પર કરવામાં આવેલો નિર્ણય નહેરુ દ્વારા કાશ્મીરીઓ સાથે કરેલા વાયદાઓથી છટકી જવાનું કારણ સાબિત થયું છે. કાશ્મીર પર નરેન્દ્ર મોદીએ બહું મોટી ભૂલ કરી છે. આ કાશ્મીરીઓ માટે આઝાદીનો પાછી મેળવવાનો ઐતિહાસિક સમય છે.
ઈમરાન ખાને એવી પણ ધમકી આપી હતી કે, હવે આ આંતરરાષ્ટ્રીય મુદ્દો બની જતાં જો યુદ્ધની જરૂર પડી તો અમે તેના માટે પણ તૈયાર છીએ. જો યુદ્ધ થશે તો તેનાથી વિશ્વ પ્રભાવિત થશે. જો અમારી વચ્ચે યુદ્ધ થશે તો તેના માટે વિશ્વ જવાબદાર હશે.
પાકિસ્તાનના વડાપ્રધાન ઈમરાન ખાન આજે (સોમવારે) કાશ્મીર મુદ્દે રાષ્ટ્રજોગ સંદેશો આપવા જઈ રહ્યા છે. પાકિસ્તાનના સ્થાનિક અખબરાના જણાવ્યા અનુસાર વડાપ્રધાનના માહિતી ખાતાના સહાયક ફિરદૌશ આશિક અવાનને આ અંગે ટ્વીટર પર જાણકારી આપી હતી.
આવાને વધુમાં જણાવ્યું હતું કે, કાશ્મીરમાં એકતા અને સૌહાર્દ માટે સ્પષ્ટ સંકેત આપતા સંદેશા સાથે રાષ્ટ્રીય એકતા દિવસ મનાવવામાં આવશે.
ભારત દ્વારા જમ્મુ કાશ્મીરમાંથી વિશેષ રાજ્યનો દરજ્જો હટાવ્યા બાદ ઈમરાન ખાને આ નિર્ણયને વારંવાર કટાક્ષ કરતા રહ્યા છે.
તો વળી આ મુદ્દા પરથી ધ્યાન હટાવવા માટે ઈમરાન ખાને હાલમાં એવું પણ કહ્યું હતું કે, ભારત કાશ્મીર મુદ્દા પરથી ધ્યાન ભંગ કરવા માટે ખાનગી ઓપરેશન કરી રહ્યું છે.
એક અખબરા સાથેની વાતમાં ઈમરાન ખાને જણાવ્યું હતું કે, પાકિસ્તાન હવે ભારત સાથેની વાતચીત માટે વધારે સમય બરબાદ નહીં કરે, કેમ કે ભારતે વારંવાર શાંતિની શરૂઆત કરવા માટેની વાતનો અનાદર કરતું રહ્યું છે.
