કેન્દ્રીય પ્રધાન ગિરિરાજ સિંહનો દાવો, અમે ગાય ઉત્પન્ન કરવાની ફેક્ટરી લગાવી દઈશું

નવી દિલ્હી: કેન્દ્રીય પ્રધાન ગિરિરાજ સિંહ આમ જોવા જઈએ તો વારંવાર વિચિત્ર પ્રકારના નિવેદનો આપવા માટે જાણીતા છે. આજે ફરી એક વાર તેમણે આવું જ કંઈક નિવેદન આપ્યું છે. આજે તેમણે ગાયોનું ઉત્પાદન કરવાની ફેક્ટરી લગાવવાની વાત કરી દીધી છે.

કેન્દ્રીય પ્રધાન ગિરિરાજ સિંહનું કહેવું છે કે, મારા ફક્ત બે લક્ષ્ય છે. વિદર્ભમાં નાની નાની ગાયો જન્મે છે. જે એક લીટર દૂધ આપે છે. આવાનારા દિવસોમાં દેશની અંદર હવે જે પણ ગાયોના બછડા જન્મશે તો ગાય જ હશે. હવે મોબ લિંન્ચિંગનો પ્રશ્ન જ ઊભો નહીં થાય.

ગિરિરાજ સિંહે આગળ જણાવ્યું હતું કે, હવે કોઈ એવું કહેશે કે, ગાયની ફેક્ટરી કેવી રીતે થશે. તો સરોગેટ મધરની એમ્બ્રિયો ટ્રાન્સપ્લાંટ થશે. અમે ટેક્નોલોજીને વધું આગળ લઈ જઈ રહ્યા છીએ. જે ગાય ઓછું દૂધ આપે છે, અથવા તો 20 લીટર દૂધ આપે છે તેવી ગાયોનું અમે આઈવીએફ એમ્બ્રિયો એડવાંસ ટેકનોલોજીનો ઉપયોગ કરી તેમાં ક્રાંતિ લાવીશું. અમે એવી ક્રાંતિ લાવીશું કે, આપણી દૂધની કિંમત દુનિયાના દૂધની કિંમત કરતા વધી જશે.