મંગળવારે સવારે 8 વાગ્યે મુજ્ફફરપુરના મધુબન ગામમાં ચાર લોકો શૌચાલયની ટાંકીમાં સફાઈ માટે ઉતર્યા હતાં. પહેલા એક મજૂર ઉતર્યા હતો જે ટાંકીમાં પડી ગયો હતો. જેના કારણે પરિવારના લોકો ગભરાય ગયા હતાં. તેના બચાવવા બીજો વ્યક્તિ પણ ટાંકીમાં ઉતર્યો તે પણ પડી ગયો હતો.
આ રીતે એક બીજાને બચાવવાના ચક્કરમાં ચાર લોકો ટાંકીમાં પડી ગયા હતાં. ટાંકીમાં તેમને ઓક્સીજન નહી મળતાં શ્વાસ રૂંધાયો હતો. તેમને બહાર કઢાઈ તે પહેલા ચારેયના કરુણ મોત નિપજ્યા હતાં.
ઘટનાની જાણ સ્થાનિક પોલીસને થતાં પોલીસ કાફલો મધુબન ગામમાં પહોંચી ગયો હતો. પોલીસે સ્થાનિક લોકો અને મજૂરોની મદદથી તમામ ચારના મૃતદેહને બહાર કાઢ્યા હતાં અને મૃતદેહને પોસ્ટમોર્ટમ અર્થે ખસેડી આગળની વધુ તપાસ હાથ ધરી છે.
