રાહુલના 'રેપ ઈન ઈન્ડિયા' અંગેના નિવેદન પર ચૂંટણી પંચે માંગ્યો ખુલાસો

નવી દિલ્હી: કોંગ્રેસના નેતા રાહુલ ગાંધીએ 'રેપ ઈન ઈન્ડિયા' અંગેના નિવેદન પર ચૂંટણી પંચે ઝારખંડના મુખ્ય ચૂંટણી અધિકારી પાસેથી જવાબ માંગ્યો છે. કેન્દ્રીય પ્રધાન સ્મૃતિ ઈરાનીએ આ બાબત અંગે ફરિયાદ કરી હતી.

ફરિયાદ અનુસાર, રાહુલ ગાંધીના 12 ડિસેમ્બરના રોજ ઝારખંડના ગોડ્ડામાં રેલીનું સંબોધન કર્યું હતું. આ દરમિયાન તેમણે 'રેપ ઈન ઈન્ડિયા' શબ્દનો પ્રયોગ કર્યો હતો.

આ નિવેદનને લઈને લોકસભામાં પણ હોબાળો થયો હતો. સ્મૃતિ ઈરાની સહિત કેટલાયે ભાજપના સાંસદોએ રાહુલને માફી માંગવાનું કહ્યું હતું.