હૈદરાબાદ: કોંગ્રેસ પાર્ટીના પ્રમુખ સોનિયા ગાંધીના નેતૃત્વ હેઠળના રાજીવ ગાંધી ફાઉન્ડેશનને મળેલા દાનની ઘણી માહિતી લોકોમાં ફેલાઈ રહી છે. તેની તપાસની ઘોષણા પછી કોંગ્રેસ પાર્ટીએ ભારતીય જનતા પાર્ટી પર પણ આકરા પ્રહાર કર્યા હતા, પરંતુ તેનો કોંગ્રેસ પક્ષને બહુ ફાયદો થયો ન હતો કારણ કે રાજીવ ગાંધી ફાઉન્ડેશન સામે લોકોના મનમાં અનેક સવાલો ઉભા થયા હતા.
કોંગ્રેસ પાર્ટીએ સ્પષ્ટતા કરવી જ જોઇએ કે, નહેરુ-ગાંધી પરિવારનું વર્ચસ્વ ધરાવતા કોંગ્રેસ પક્ષની જેમ, ત્યાં બીજી સંસ્થા આરજીએફ પણ છે, તેણે કેવી રીતે ચીન પાસેથી દાન લીધું. ચીન - એવો દેશ કે જે ભારત સાથેની મિત્રતાની આડમાં ભારત સાથે છેતરપિંટી કરે છે અને દેશની પ્રાદેશિક અખંડિતતા અને સાર્વભૌમત્વ પર વારંવાર હુમલો કરે છે. આનાથી પણ વધુ ચોંકાવનારી વાત એ છે કે શા માટે કોંગ્રેસ પાર્ટી તે કમ્યુનિસ્ટ પાર્ટી ઓફ ચાઇના (CCP)અને કોંગ્રેસ વચ્ચે 2008 માં થયેલા કરારને જાહેર કરવામાં અચકાય છે.
આ કરાર પર કોંગ્રેસ પાર્ટીના તે સમયના મહાસચિવ, રાહુલ ગાંધી અને સીસીપીના અધિકારીઓએ કોંગ્રેસ અધ્યક્ષ સોનિયા ગાંધી અને ચીનના ઉપરાષ્ટ્રપતિ શી જિનપિંગની સમક્ષ હસ્તાક્ષર કર્યા હતા. વધતી જતી જાહેર માંગ છતાં નહેરુ-ગાંધી પરિવાર આ MOU ને જાહેર નથી કરી રહ્યા. તેઓ કોનાથી ડરી રહ્યા છે..
MOU પર હસ્તાક્ષર સમારોહની તસવીર પોસ્ટ કરતા જાણીતા વકીલ મહેશ જેઠમલાણીએ ટ્વિટ કરીને કહ્યું હતું કે, પાર્ટીએ સોદાની વિગતો જાહેર કરવી પડશે જેથી દેશની જનતામાં ગેરસમજો ઉભી ન થાય. તેમણે એમ પણ લખ્યું હતું કે ચીન ભારતનો દુશ્મન છે અને રહેશે.
જેઠમલાણીએ કહ્યું કે CCP એક દુશ્મન સંઘ છે. CCP ભારતીય ક્ષેત્ર પર કબ્જો કરવાનો ટેકો આપે છે. CCP સાથેનો કોઈપણ કરારCCPના સ્ટેન્ડને માન્ય કરે છે અને યુએપીએ એક્ટ (Prevention of Corruption Act) હેઠળ દંડપાત્ર છે. તેમણે ભ્રષ્ટાચાર નિવારણ અધિનિયમ અને 1976 અને 2010 ના વિદેશી યોગદાન નિયમન અધિનિયમ હેઠળ સંભવિત ગુન્હોઓની CBI તપાસ કરવાનું પણ સૂચન કર્યું છે.
આ પ્રશ્ન એવા સમયે વધુ ઉજાગર બન્યો છે જ્યારે લદ્દાખમાં ભારત-ચીન હિંસક અથડામણમાં 20 ભારતીય સૈનિકો શહીદ થયા હતા. આ કૌભાંડનું બીજું એક એંગલ પણ છે, જેમાં પાર્ટી સંચાલિત આરજીએફમાં નાણાંનો પ્રવાહ છે જે વધુ ભયંકર છે. આ કૌભાંડમાં, વડા પ્રધાનના રાષ્ટ્રીય રાહત ભંડોળ (જે મુખ્યત્વે કુદરતી આફતો સમયે લોકોને મદદ કરવા માટે ઉપયોગમાં લેવાય છે) માટે નાણાં જમા કરાવવામાં આવ્યા હતા, તે આરજીએફને ટ્રાન્સફર કરવામાં આવ્યું હતું. જ્યારે 2004 થી 2014 સુધી પાર્ટી કેન્દ્રમાં સત્તામાં રહી ત્યારે આ કરવામાં આવ્યું હતું.
નહેરુ-ગાંધી સિવાય ડો.મનમોહનસિંઘ, જે તે સમયના વડાપ્રધાન હતા, તેઓએ સ્પષ્ટતા કરવી જોઈએ કે તેમણે જાહેર નાણાંનો આ રીતે દુરૂપયોગ કેવી રીતે થવા દીધો. કેટલાક કેન્દ્રિય મંત્રાલયો, સરકારી વિભાગો અને જાહેર ક્ષેત્રના ઉપક્રમોએ આરજીએફને દાન કેમ આપ્યું તે પણ તેઓએ જણાવવું જોઈએ.
ચીન સરકાર તરફથી કોંગ્રેસ પક્ષને દાન આપવાના સમાચારોએ આશ્ચર્ય સર્જ્યું છે, કારણ કે તે ભારતની સાર્વભૌમત્વ, એકતા અને અખંડિતતાને અસર કરે છે. આઝાદીની ચળવળના સમયથી કોંગ્રેસ પક્ષ મોરચો પર હતો, તેણે લાંબા સમયથી લોકોનો વિશ્વાસ મેળવ્યો છે.ઈન્દિરા ગાંધી પાર્ટીમાં પહોંચ્યા ત્યારે કોંગ્રેસ પાર્ટી પ્રત્યે જનતાનું માન ઓછું થવા લાગ્યું હતું. ઇન્દિરા ગાંધીના આગમન પછી, પાર્ટી એક ખાનગી લિમિટેડ કંપનીનો ક્લોન બની હતી, જેણે નેહરુ-ગાંધી પરિવાર દ્વારા સખત રીતે પકડી રાખવામાં આવી હતી. પરિણામે, તેઓએ ભારતને એક વાસ્તવિક રાજતંત્ર બનાવી દીધું.
આ એટલી હદે વધ્યું કે, દરેક મોટી સરકારી યોજનાઓ, જાહેર મકાન, રાષ્ટ્રીય સંસ્થાઓ, યુનિવર્સિટીઓ, શિષ્યવૃત્તિ અને રમતગમતના કાર્યક્રમોનું નામ આ કુટુંબના સભ્યોના નામ પર રાખવામાં આવ્યું. ભારતના સૌથી દક્ષિણી બિંદુ, પેગ્મેલિયન પોઇન્ટનું નામ ફરીથી ઈન્દિરા પોઇન્ટ રાખવામાં આવ્યું હતું અને હિમાલયના શિખરનું નામ રાજીવ પીક રાખવામાં આવ્યું હતું.
આ બધું પરિવારની નાની માનસિકતાને પ્રતિબિંબિત કરે છે. દાયકાઓથી તેની તપાસ થઈ નથી, તેથી આ કુટુંબ તેની કુટુંબિક સંગઠન ચલાવવા માટે દુશ્મન દેશ પાસેથી દાન લેવામાં અચકાવું નથી. વડા પ્રધાન મનમોહન સિંહની જગ્યાએ સોનિયા ગાંધી બેઇજિંગ ઓલિમ્પિકમાં હાજર રહ્યા હતા. ચીને તેમના પુત્ર રાહુલ ગાંધી, તેમની પુત્રી પ્રિયંકા અને જમાઈ રોબર્ટ વાડ્રા પર ખૂબ ધ્યાન આપ્યું હતું. આ વિશે ટ્વીટ કરતા સાંસદ શોભા કરંદજલે કહ્યું કે, આ વડા પ્રધાન કાર્યાલયની મજાક નથી પરંતુ ભારતની લોકશાહી પ્રણાલીની મજાક છે.
તેથી, ગલવાન ખીણમાં 20 ભારતીય સૈનિકો શહીદ થયા હોવા છતા પણ કોંગ્રેસ ચીનની ખુલ્લેઆમ ટીકા કરવામાં અસમર્થ છે. જ્યારે દેશભરમાં ચીન પ્રત્યે ગુસ્સોનું મોજુ છે.
