દિલ્હી હિંસા કેસમાં સ્પેશિયલ સેલે અતર ખાનની ધરપકડ કરી

દિલ્હી પોલીસના સ્પેશિયલ સેલે ઉત્તર પૂર્વ દિલ્હીમાં થયેલી હિંસાને ભડકાવવા બદલ અતર ખાનની ધરપકડ કરી છે. અતર ખાન ચાંદબાગ ભજનપુરાનો રહેવાસી છે.

નવી દિલ્હી: દિલ્હી પોલીસના સ્પેશિયલ સેલ સાથે સંકળાયેલા સૂત્રોએ જણાવ્યું કે, પોલીસ ઘણા સમયથી અતર ખાનની શોધમાં હતી. અતર ખાન ચાંદ બાગ ભજનપુરાનો રહેવાસી છે. જ્યાં સૌથી વધારે હિંસા થઈ હતી. પોલીસ સૂત્રોના કેહવા પ્રમાણે, અતર ખાન પર ભજનપુરા પ્રોટેસ્ટને ભડકાવવાનો પણ આરોપ છે. આ સાથે અતર ખાન હિંસા દરમિયાન ઘાયલ થયેલા શહાદરા જિલ્લાના ડીસીપી અમિત શર્મા પર હુમલો કરવાના કાવતરામાં પણ સામેલ હતા, જે બાદ આજે તેમની ધરપકડ કરવામાં આવી હતી. તેની પૂછપરછ કરવામાં આવી રહી છે.

દિલ્હીની સ્પેશિયલ સેલએ દિલ્હી હિંસા કેસમાં અતર ખાનની કરી ધરપકડ

ઉત્તર પૂર્વ દિલ્હીમાં થયેલી હિંસાને કાબૂમાં લેવાના પ્રયાસમાં શહાદરા જિલ્લાના ડીસીપી અમિત શર્મા, ગોકુલપુરી એસીપી અનુજ શર્મા સહિત ઘણા અધિકારીઓ ગંભીર રીતે ઘાયલ થયા હતા. પૂર્વ દિલ્હીની ખાનગી હોસ્પિટલમાં અમિત શર્માની લાંબા સમયથી સારવાર કરવામાં આવી હતી અને તેઓ ફરીથી ડ્યૂટી પર જોડાયા હતા.