નવી દિલ્હીઃ દિલ્હી સરકાર દ્વારા થોડા સમય પહેલા જણાવવામાં આવ્યું હતું કે, જે વ્યક્તિઓમાં કોરોનાના લક્ષણો ન હોય તેમનું કોરોના પરીક્ષણ કરવાની જરૂર નથી. પરંતુ ઉપ-રાજ્યપાલ દ્વારા આ આદેશને રદ કરવામાં આવ્યો હતો.
આ આદેશ કેન્દ્રીય સ્વાસ્થ્ય અને પરિવાર કલ્યાણ મંત્રાલય દ્વારા ઇએનટી સર્જરી માટે આપવામાં આવેલા નિર્દેશોથી વિપરીત હતો. આ નિર્દેશો અનુસાર જો કોઈ દર્દીની સર્જરી કરવાની જરૂર પડે તો તેનો કોરોના ટેસ્ટ કરાવવો જેથી જો તે કોરોના પોઝિટિવ હોય તો સંક્રમણ ફેલાવાની શક્યતા પર કાબૂ મેળવી શકાય.
આ મામલે ડૉ. મણી હિંગોરાનીએ અરજી દાખલ કરી હતી. જેમાં જણાવવામાં આવ્યું હતું કે, દિલ્હી સરકારનો આ આદેશ આંતરરાષ્ટ્રિય તબીબી ધારાધોરણોથી વિરુદ્ધ છે. કોઈપણ દર્દીની સર્જરી પહેલા તેનું કોરોના પરીક્ષણ જરૂરી છે. દર્દી કોરોના ના લક્ષણો ધરાવતો હોય કે ન હોય, જો તેનું સર્જરી પહેલા પરીક્ષણ કરવામાં આવે તો ડૉક્ટરો તથા નર્સની સમગ્ર મેડિકલ ટીમ સંક્રમણથી બચ શકે છે. પરંતુ જો કોરોના ના લક્ષણો ન હોવાને કારણે તેના પરીક્ષણ વગર સર્જરી કરવામાં આવે તો સમગ્ર હોસ્પિટલમાં સંક્રમણ નું જોખમ ઉભુ થઈ શકે છે.
જોકે હવે હાઇકોર્ટની સુનાવણી બાદ આ મામલે સ્પષ્ટતા થઇ ગઇ છે.
