નવી દિલ્હી: પંજાબના મુખ્યપ્રધાન અમરિંદરસિંહે મંગળવારે બિહારના મુખ્યપ્રધાન નીતીશ કુમાર સાથે દેશવ્યાપી લોકડાઉનને કારણે દેશના વિવિધ ભાગોમાં ફસાયેલા પરપ્રાંતિય કામદારોની સલામતી અંગે ચર્ચા કરી હતી.
આ ટેલિફોનિક ચર્ચા દરમિયાન સિંહે નીતિશ કુમારને બિહારના પરપ્રાંતિય મજૂરોની પંજાબમાં દેખરેખ રાખવામાં આવતી હોવાનું જણાવ્યું હતું.
આ ઉપરાંત સિંહે બિહાર સરકારને પણ સ્થળાંતરિત કામદારોના પરિવારની સંભાળ રાખવા પણ વિનંતી કરી હતી.
નોંધનીય છે કે, લોકડાઉન પરિસ્થિતિ વચ્ચે સિંઘ પોતે બેઘર સ્થળાંતર કામદારો માટેની તમામ વ્યવસ્થાઓ પર નજર રાખી રહ્યા છે.
સિંહે વહીવટીતંત્રને સમીક્ષા કરતાં જણાવ્યું હતું કે, રાજ્યભરમાં કોવિડ -19ના ફેલાવાને રોકવા માટે લોકો આરોગ્ય સલાહકારીઓની મદદ લઈ રહ્યાં છે.
