ચીનના ચાઓયાંગ પાર્કમાં 14 વર્ષથી ઉજવાય છે ગાંધી જયંતીનો કાર્યક્રમ, આ વખતે ચીને મંજૂરી ન આપી

નવી દિલ્હીઃ ચીનના યાઓયાંગ પાર્કમાં છેલ્લા 14 વર્ષથી ગાંધી જયંતીના દિવસે કાર્યક્રમ યોજાય છે. પરંતુ આ વખતે ચીન સરકારે આ કાર્યક્રમની મંજૂરી આપી ન હતી. ચીન દૂતાવાસે આ અંગે પ્રતિક્રિયા આપી પરવાનગી નહીં આપવાનું કારણ જણાવ્યુ હતું.

વિશ્વ વિભૂતિ મહાત્મા ગાંધીને વિશ્વના દરેક દેશના લોકો આદર આપે છે. ગાંધી જયંતીએ મોટા ભાગના દેશોમાં કાર્યક્રમ યોજાય છે. ચીનમાં પણ આ પ્રકારના કાર્યક્રમનું આયોજન થાય છે.

આ વર્ષ ગાંધીના જન્મનું 150મું વર્ષ છે. ચીનના ચાઓયાંગ પાર્કમાં 14 વર્ષથી ગાંધી જયંતીની ઉજવણી થાય છે. આ વખતે પણ વિશિષ્ટ પ્રોગ્રામ ગોઠવાયો હતો. પરંતુ ચીન સરકારે તેની મંજૂરી આપી ન હતી.

આ પણ વાંચોઃ વૈશ્વિક સંદેશા સાથે ચીને કરી 70મી વર્ષગાંઠની ઉજવણી

આ અંગે હવે ચીન દૂતાવાસે પ્રતિક્રિયા આપી છે, ચીને કહ્યુ છે કે, આ કાર્યક્રમની મંજૂરી ન આપવા પાછળ તકનીકી કારણો છે. હાલમાં ચીનમાં કમ્યુનિસ્ટ સરકારની 70મી વર્ષગાંઠની ઉજવણી ચાલી રહી છે. જેથી આ કાર્યક્રમ માટે પરવાનગી ન અપાઈ. ચીને ઉમેર્યુ છે કે, મહાત્મા ગાંધીનું તેઓ સન્માન કરે છે. ચીન ગાંધીજીની શ્રદ્વાજંલિના કાર્યક્રમોનું સ્વાગત કરે છે.

આ પાર્કમાં પરમીશન ન મળતા ગાંધી જયંતીની ઉજવણી દૂતાવાસના સભાગૃહમાં આયોજીત કરાયો હતો.