CBSE બોર્ડની પરીક્ષા 4 મે થી યોજાશે, શિક્ષણ પ્રધાને કરી જાહેરાત

આ વર્ષે CBSE બોર્ડની પરીક્ષા 4 મે થી યોજાશે. કેન્દ્રીય શિક્ષણ પ્રધાને આ અંગે જાહેરાત કરી હતી. તેમણે પરીક્ષાઓની તારીખ જાહેર કર્યાની સાથે વિદ્યાર્થીઓને નવા વર્ષની શુભકામના પણ પાઠવી છે.

નવી દિલ્હીઃ કેન્દ્રીય શિક્ષણ પ્રધાન રમેશ પોખરિયાલે જણાવ્યું કે, ધોરણ 10 અને ધોરણ 12 CBSE બોર્ડની પરીક્ષાઓ 4 મે થી શરૂ થશે. તેમણે જણાવ્યું કે, પરીક્ષાનું પરિણામ 15 જુલાઇ સુધીમાં આવશે.

શિક્ષણ પ્રધાનના મુખ્ય મુદ્દા

• 4 મે થી 10 જૂન સુધી ચાલશે પરીક્ષા
• આત્મવિશ્વાસ સાથે તૈયારી કરવી
• 25-26 દેશોમાં CBSE વિદ્યાલય સંચાલિત છે
• વિદેશી વિદ્યાર્થીઓ માટે સરકાર પ્રયાસ કરી રહી છે

આ પહેલા શિક્ષણ પ્રધાને ઘોષણા કરી હતી કે, બોર્ડની પરીક્ષા વર્ષ 2021માં શરૂ કરવામાં આવશે. આ ઉપરાંત શિક્ષણ મંત્રાલયે સ્પષ્ટતા કરી છે કે, બોર્ડની પરીક્ષા સાથે જોડાયેલી અન્ય પ્રક્રિયાને જાન્યુઆરી મહિનામાં અતિરિક્ત સમય આપવામાં આવશે.