CBIએ ઈંન્દ્રાણી મુખર્જીને સાક્ષી બનવાની મંજૂરી આપી

નવી દિલ્હી: કેન્દ્રીય તપાસ એજન્સી(સીબીઆઈ)ની વિશેષ અદાલતે પૂર્વ કેન્દ્રીય નાણાપ્રધાન પી.ચિદંબરમ તથા તેના પુત્ર કાર્તી ચિદંબરમ સંબંધિત આઈએનએક્સ મીડિયા મામલે આઈએનએક્સ મીડિયાના પૂર્વ નિર્દેશક ઈંન્દ્રાણી મુખર્જીને સાક્ષી બનવાની મંજૂરી આપી દીધી છે. સીબીઆઈના જજ અરુણ ભારદ્વાજે સાક્ષી બનવા માટે ઈંન્દ્રાણી મુખર્જીની અરજીનો સ્વીકાર કરી લીધો છે. સાથે સાથે દયા અરજીનો પણ સ્વીકાર કર્યો છે.

આ કેસમાં આગામી સુનાવણી 11 જૂલાઈના રોજ થવાની છે. અદાલતે ઈંન્દ્રાણીને જાતે હાજર રહેવા નિર્દેશ કર્યો છે.

આ કેસ પી. ચિદંબરમ અને તેમના પુત્ર કાર્તી ચિદંબરમ પર સુનાવણી ચાલી રહી છે.

ગત વર્ષે ઈંન્દ્રાણીએ પોતાના કબૂલનામું આપતી વખતે સાક્ષી બનવા માટેની અરજી આપી હતી જે સીબીઆઈએ સ્વીકાર કરી લીધી છે.

ઈંન્દ્રાણી પોતાની દિકરી શીના બોહરા હત્યા કેસમાં મુંબઈની બાઈકુલા જેલમાં બંદ છે.

સીબીઆઈએ પોતે આપેલા એફિડેવિટમાં જણાવ્યું હતું કે, તેમની સાથે વાતચીત કરતા અમુક મહત્વપૂર્ણ પુરાવા મળ્યા હતાં જે આ કેસના સમાધાન માટે સીબીઆઈની મદદ કરશે.