GSTની વાત કરીએ તો 2018-19ના નાણાકીય વર્ષમાં ચોથી વખત જી.એસ.ટીની આવક એક લાખ કરોડને પાર થઈ છે. તે પહેલા જાન્યુઆરી 2019 અને ઓક્ટોબર 2018માં જી.એસ.ટીની આવક એક લાખ કરોડ કરતાં વધુ થઈ હતી. નાણાકીય વર્ષ 2018-19 માટે સરેરાશ માસિક GST રીટર્ન 98,114 કરોડ રહ્યું છે. જે નાણાકીય વર્ષ 2017-19થી 9 ટકા વધારે છે. મંત્રાલય દ્વારા જણાવાયું છે કે, આ આંકડા બતાવે છે કે GSTદરમાં ઘટાડો કર્યા પછી પણ હાલના મહિનામાં જી.એસ.ટી.ની આવક વધી છે.
માર્ચ 2019માં જી.એસ.ટી.ની આવકનો આંકડો અત્યાર સુધીનો સૌથી મોટો આંકડો છે. માર્ચ 2018માં 92,167 કરોડ રૂપિયાની આવક થઈ હતી. મહત્વનું છે કે ગત વર્ષની સરખામણીમાં 15.6 ટકા GSTની આવકમાં વધારો થયો છે. અંતિમ ત્રિમાસિક ધોરણે ગતવર્ષના સમાન સમયગાળાની સરખામણીએ 14.3 ટકાનો વધારો દર્શાવે છે.
