વડા પ્રધાન નરેન્દ્ર મોદીએ બુધવારે દેશની મુખ્ય જાહેર આરોગ્ય વીમા યોજના, આયુષ્માન ભારત યોજનાના "1 કરોડ લાભાર્થી" સાથે વાતચીત કરી હતી અને વિશ્વના "સૌથી મોટા સ્વાસ્થ્ય સંભાળ કાર્યક્રમ સાથે સંકળાયેલા તમામ વ્યક્તિઓ અને સંગઠનોનો આભાર માન્યો હતો.
રેલવે પ્રધાન પિયુષ ગોયલે મંગળવારે જાહેરાત કરી હતી કે, રેલવે વિભાગ 1 જૂનથી 200 નોન એસી સ્પેશિયલ ટ્રેન શરૂ કરશે. આ નોન એસી ટ્રેનોની ટિકિટનું બુકિંગ ટૂંક સમયમાં શરૂ થશે. આ પહેલા રેલવે વિભાગે 30 સ્પેશિયલ એસી ટ્રેનો શરૂ હતી.
- અમ્ફાન ચક્રવાતના કારણે 3 વિમાન કોલકાતાથી વારાણસી ખસેડાયા
કોલકાતામાં આવેલા અમ્ફાન ચક્રવાતના કારણે વારાણસી એરપોર્ટ પર 3 સ્પાઇસના જેટ વિમાન લાવવામાં આવ્યા છે. ત્રણેય વિમાનને એપ્રોન પર મુકવામાં આવ્યા છે. 21 મેના રોજ અથવા ત્યાં હવામાન બરાબર થયા પછી વિમાનો રવાના કરવામાં આવશે.
યૂપીમાં બસોને લઇને કોંગ્રેસ અને ભાજપમાં ધમાસાણ શરુ છે. કોંગ્રેસના રાષ્ટ્રીય મહાસચિવ પ્રિયંકા ગાંધી વાડ્રાના સચિવ સંદિપ સિંહે 19 મેએ મોડી રાત્રે વધુ એક પત્ર સરકારને લખ્યો હતો. આ પત્રમાં ખાનગી સચિવે કહ્યું કે, સરકારના નિર્દેશો અનુસાર મંગળવારે સવારે બસોની સાથે ઉત્તર પ્રદેશ બોર્ડર પર ઉભા છે. બુધવારની સાંજે 4 કલાક સુધી તેમની બસો ઉત્તર પ્રદેશની બોર્ડર પર હાજર રહેશે.
ઉત્તર પ્રદેશના ઈટાવા જિલ્લાના ફ્રેન્ડ્સ કોલોની પોલીસ સ્ટેશન વિસ્તાર હેઠળ નેશનલ હાઈવે-2 પર ટ્રકે ખેડૂતોને કચડી નાખ્યા હતા. આ અકસ્માતમાં 6 ખેડુતોનાં મોત નિપજ્યાં હતા. તેમજ એક ખેડૂત ઘાયલ થયો છે.
- નીડો તાનિયા હત્યા કેસ: આરોપી ફરમાનને મળ્યા વચગાળાના જામીન
નીડો તાનિયાની હત્યાના આરોપી ફરમાનને દિલ્હી હાઈકોર્ટે વચગાળાના જામીન આપી દીધા છે. જસ્ટિસ સુરેશ કૈટે વીડિયો કોન્ફરન્સિંગ દ્વારા સુનાવણી કર્યા બાદ ફરમાનને જામીન પર મુક્ત કરવાનો આદેશ આપવામાં આવ્યો છે. આ હત્યા 2014માં થઈ હતી - AMCએ સિવિલ અને ક્રિમીનલ લો ભંગ કરનારી અમદાવાદની 16 ખાનગી હોસ્પિટલોને ફટકારી નોટિસ
AMCએ સિવિલ અને ક્રિમિનલ લો ભંગ કરનારી અમદાવાદ શહેરની 16 ખાનગી હોસ્પિટલને નોટીસ ફટકારી છે. એપિડેમિક ડિસીઝ્ડ ઍક્ટ 1897 અને ડિઝાસ્ટર મેનેજમેન્ટ ઍક્ટ 2005 હેઠળ કોવિડ-19 માટે કરાયેલા આદેશનું પાલન ન કરવા બદલ નોટિસ ફટકારી હતી. આ હોસ્પિટલોનાં 50 ટકા બેડ કોવિડ-19 માટે AMCને આપવાના હતા. જો કે હોસ્પિટલ મેનેજમેન્ટ દ્વારા 50 ટકા બેડ ન સોપાતાં AMC દ્વારા આ કાર્યવાહી કરવામાં આવી છે. - મહીસાગરમાં કોરોના વિસ્ફોટ: એક જ દિવસમાં 15 પોઝિટિવ કેસ નોંધાયા
કોરોનાની મહામારી દિવસેને દિવસે વધી રહી છે. મહીસાગર જિલ્લામાં એક જ દિવસમાં કોરોનાના 15 પોઝિટિવ કેસ નોંધાયા છે. જેના કારણે પોઝિટિવ કેસનો આંકડો 68 પર પહોંચી ગયો છે.
અમદાવાદ શહેરમાં કોરોનાનો વ્યાપ વધી રહ્યો છે, ત્યારે ગ્રામ્ય વિસ્તાર અને જિલ્લામાં તેની અસર જોવા મળી રહી છે. અમદાવાદ જિલ્લાના ગ્રામ્ય વિસ્તારોમાં મંગળવારે સાંજ સુધીમાં નવા 3 કેસ પોઝિટિવ નોંધાતા કુલ આંકડો 140 પર પહોંચ્યો છે.
કેન્દ્ર સરકાર દ્વારા ગાર્બેજ ફ્રી શહેરોનું પરિણામ જાહેર કરવામાં આવ્યું છે. સમગ્ર દેશમાંથી કુલ 6 શહેરોને ફાઈવ સ્ટાર મળ્યા છે. જેમાં રંગીલા રાજકોટનો સમાવેશ થાય છે.
