'વંદે ભારત' એક્સપ્રેસના વધ્યા રૂટ, જાણો કયા નવા રૂટ પર દોડશે

નવી દિલ્હીઃ દેશની સૌથી વધારે ગતિએ દોડનાર ટ્રેન વંદે ભારત એક્સપ્રેસને પહેલા દિલ્હીથી વારાણસી રૂટ પર દોડાવવામાં આવી હતી. તેની સફળતા બાદ હવે આ ટ્રેનને નવા 3 રૂટ પર દોડાવામાં આવશે. મળતી માહિતી મુજબ આ ટ્રેનના નવા રૂટ નવી દિલ્હીથી હાવડા, નવી દિલ્હીથી મુંબઇ, અને નવી દિલ્હીથી જમ્મુ સુધી દોડાવવાનો નિર્ણય કર્યો છે.

રેલવેએ પોતાની સૌથી વધારે સ્પીડ સાથે દોડનાર વંદે ભારત એક્સપ્રેસ હવે નવા ત્રણ રૂટો પર દોડાવાનો નિર્ણય કર્યો છે. હજી સુધી ટ્રેન ક્યારથી દોડાવાશે તેના વિશે જાણકારી આપવામાં આવી નથી, પણ નવા શરૂ થનાર રૂટ વિશે માહિતી દર્શાવામાં આવી છે. જો કે ડિસેમ્બર 2019 સુધીમાં આ કાર્યને પુરૂ કરવામાં આવશે. નવી વંદે ભારત એક્સપ્રેસમાં સ્લીપર કોચનો પર ઉપયોગ કરવામાં આવશે.

વંદે ભારત એક્સપ્રેસ રાજધાની અને શતાબ્દી એક્સપ્રેસને રિપ્લેસ કરવા માટે લાવવામાં આવી છે. ટ્રેન-18 માટે નવા ત્રણ રૂટોનું નિર્માણ કરવામાં આવશે. હવે મુસાફરો પાસે વંદે ભારત અને રાજધાની એમ બંને વિકલ્પ રહેશે.