બેંગલુરુઃ કોરોના વાઈરસના વધતા જતા ચેપને ધ્યાનમાં રાખીને, બેંગલુરુના શહેરી અને ગ્રામીણ જિલ્લાઓમાં તમામ જરૂરી દુકાનો, ફાર્મસીઓ સિવાય આગામી 7 દિવસ સુધી સંપૂર્ણ લોકડાઉન લાગુ કરવામાં આવ્યું છે. આ લોકડાઉન આજે બપોરે 12 વાગ્યાથી અમલમાં આવ્યું છે. રાજ્ય સરકારે એક સપ્તાહ માટે લોકડાઉન અમલમાં મૂકીને બેંગ્લુરુમાં કોરોના વાઈરસને નિયંત્રણમાં લેવાનાં પગલાં અંગે એક વિસ્તૃત અહેવાલ મોકલ્યો છે.
- શહેરમાં 7 દિવસના લોકડાઉન દરમિયાન જાહેર પરિવહન સેવા બંધ રહેશે.
- કોઈ નવી ફ્લાઇટ્સ અથવા ટ્રેનો ચલાવવાની મંજૂરી આપવામાં આવશે નહીં.
- મેટ્રો રેલ સેવાઓ બંધ રહેશે.
- ઈમરજન્સી દરમિયાન ટેક્સી (ઓટો-રિક્ષા સહિત) અને કેબ એગ્રીગ્રેટર્સ સેવાઓ કાર્યરત થશે.
- શાળાઓ, કોલેજો, શૈક્ષણિક / તાલીમ / કોચિંગ સંસ્થાઓ વગેરે પણ બંધ રહેશે.
- પૂર્વનિર્ધારિત પરીક્ષામાં કોવિડ -19 મેનેજમેન્ટની સૂચનાનું સખતપણે પાલન કરવું પડશે.
- હોટેલ અને રેસ્ટોરન્ટ્સને ફક્ત ટેકઅવે અને હોમ ડિલિવરી ચલાવવાની મંજૂરી હશે.
- તમામ સિનેમા હોલ, શોપિંગ મૉલ, જીમ, સ્પોર્ટસ કોમ્પ્લેક્સ, સ્ટેડિયમ, સ્વિમિંગ પુલ, મનોરંજન પાર્ક, થિયેટરો, બાર અને ઓડિટોરિયમ, એસેમ્બલી હોલ બંધ રહેશે.
- તમામ સામાજિક, રાજકીય, રમત, મનોરંજન, શૈક્ષણિક, સાંસ્કૃતિક-ધાર્મિક કાર્યોની મંજૂરી નથી.
- બધા ધાર્મિક સ્થળો, પૂજા સ્થાનો જાહેર જનતા માટે બંધ રહેશે.
- બીએમટીસી, કેએસઆરટીસી અને ખાનગી બસોમાં ઈમરજન્સીમાં મુસાફરીની મંજૂરી છે.
