હરિદ્વાર: યોગને ઘરે-ઘરે પહોંચાડનારા બાબા રામદેવે ETV BHARAT સાથે ખાસ વાતચીત કરી હતી. જેમાં તેમણે ભારત-ચીન તણાવને લઇને કહ્યું કે, તમામ લોકોએ સાથે મળીને ચીની ઉત્પાદનોનો બહિષ્કાર કરવો જોઈએ.
તેમણે કહ્યું કે, હું પતંજલિનો નહીં, સ્વદેશી ઉત્પાદનોનો બ્રાન્ડ એમ્બેસેડર છું, હું ક્રિકેટર, કલાકારોને વિનંતી કરૂં છું કે, તમામ લોકો મળીને ચાઇનીઝ ઉત્પાદનોનો બહિષ્કાર કરીંએ અને તેમની જાહેરાત કરવાનું ટાળીંએ. ધર્મ હિત અને રાષ્ટ્રીય હિતથી મોટૂં કશું નથી.
તેમણે વધુમાં કહ્યું કે, યોગ સારી ટેવ છે, આપણે રોજ યોગા કરવા જોઈએ. યોગ ગુરૂએ કહ્યું કે, આપણી અંદર ઘણી ખરાબ ટેવો છે, યોગ કરવાથી તણાવ, ગરીબી અને અન્ય બધી ખરાબ ટેવો ખત્મ થઈ જાય છે. 21 જૂનના વિશ્વ યોગ દિવસે માત્ર એક દિવસ યોગ કરવાને બદલે આને રોજિંદા ટેવ બનાવવી જોઈએ.
યોગને લઇને બાબા રામદેવ
બાબા રામદેવે કહ્યું કે યોગ જીવન જીવવાની રીત છે. યોગ કરતાં મોટી કોઈ સંપત્તિ, સમૃદ્ધિ નથી. બાબા રામદેવે કહ્યું કે, તે 49 વર્ષોથી સતત યોગ કરી રહ્યા છે. જેના કારણે તે આજે પણ સ્વસ્થ છે. તેમણે દેશના યુવાનોને યોગ અપનાવવા અંગે કહ્યું છે. બાબા રામદેવે કહ્યું કે, યોગ દ્વારા જ કોરોનાને હરાવી શકાય છે.
ટૂંક સમયમાં કોરોનાની રસી આવશે
કોરોના સંક્રમણને લઇને બાબા રામદેવે કહ્યું કે ,પતંજલિથી કોરોનાની દવા આવતા 2 અઠવાડિયામાં બજારમાં લાવશે. બાબા રામદેવે કહ્યું કે, કોરોનામાં સૌ પ્રથમ રોગપ્રતિકારક શક્તિ વધારવામાં ભાર મૂકવાની જરૂર છે. આયુર્વેદથી તેને પરિપૂર્ણ કરી શકાય છે. ટૂંક સમયમાં પતંજલિ તેને બજારમાં લાવશે.
નવા સ્વરૂપે યોગ દિવસ
યોગ દિવસના નવા સ્વરૂપ અંગે તેમણે કહ્યું કે, તે સવારે 5 વાગ્યાથી યોગની શરૂઆત કરશે. દેશમાં આ કાર્યક્રમ 7 વાગ્યાથી શરૂ થશે. તે ડિજિટલ માધ્યમોથી તમામ લોકોના ઘરે પહોંચશે. બાબા રામદેવે કહ્યું કે, લોકડાઉન દરમિયાન તે ડિજિટલ યોગ દ્વારા લાખો લોકો સુધી પહોંચશે. તેમણે કહ્યું કે, યોગને આપણા જીવનમાં ઉતારવો પડશે. બાબા રામદેવે કહ્યું કે, આજે સમગ્ર વિશ્વમાં યોગ કરવામાં આવી રહ્યો છે. વિશ્વને આ ભારતની દેન છે.
ચીનને પાઠ શિખવાડવો પડશે
ચીનના કાયર કૃત્ય પર બોલતા બાબા રામદેવે કહ્યું કે, આપણે ચીનના ઉત્પાદનોનો બહિષ્કાર કરવો પડશે. તેમણે કહ્યું કે, તે પહેલાંથી ચીની ઉત્પાદનોનો વિરોધ કરી રહ્યા છે. બાબા રામદેવે કહ્યું કે, દેશની સેના સરહદ પર લડી રહી છે. દેશની જનતાએ આત્મનિર્ભર બનીને સરકાર અને સેનાને સાથ આપવો પડશે. તેમણે કહ્યું કે, આ સમય ચીનને પાઠ ભણાવવાનો છે. બાબા રામદેવે કહ્યું કે, આપણે સ્થાનિકો માટે અવાજ ઉઠાવવો સમય આવી ગયો છે.
ચોમાસામાં શરદી-ઉધરશથી બચો
બાબા રામદેવે કહ્યું કે ગિલોય, મરી અને તુલસીનું સેવન તમને તમામ રોગોથી દૂર રાખી શકે છે. યોગને લઇને બાબા રામદેવે કહ્યું કે, આ સારી ટેવ છે. આ ટેવ અપનાવવાથી તમે દરેક રોગથી મુક્ત થઈ જશે. દરેક રોગ તમારાથી દૂર રહેશે.
આ અગાઉ શુક્રવારે બાબાએ યોગના વિવિધ આસનોનું પણ રિહર્સલ કર્યું હતું. જેમાં હરિદ્વારના વીઆઈપી ઘાટ પર બાબા રામદેવે યોગાભ્યાસ કર્યો હતો.
