ભારત- ચીન તણાવ વચ્ચે સેનાધ્યક્ષ જનરલ નરવણે પહોંચ્યા લદ્દાખ

ચીન સાથે સરહદ પર જે વિવાદ ચાલી રહ્યો છે તેના કારણે સેના પ્રમુખ જનરલ મનોજ મુકુંદ નરવણે લદ્દાખની મુલાકાતે પહોંચ્યા છે.

નવી દિલ્હી: લદ્દાખના પેંગોગ ત્સો ઝીલ વિસ્તારમાં સંવેદનશીલ પરિસ્થિતી વચ્ચે સેના પ્રમુખ નરવણે લદ્દાખની મુલાકાતે છે.

પૂર્વ લદ્દાખમાં એક્ચ્યૂલ લાઈન ઓફ કન્ટ્રોલ પર ભારત અને ચીનની વચ્ચે ભારે તણાવની સ્થિતિ પેદા થઈ છે. ત્યારે આ દરમિયાન સેના પ્રમુખ એમ.એમ નરવણે ગુરુવારે સવારે લદ્દાખ પહોંચ્યા હતા. જ્યાં તેમણે સાઉથ પેંગોંગ સહિત અન્ય જગ્યાઓની હાલાત વિશે માહિતી મેળવશે. સૂત્રોનું કહેવું છે કે પૂર્વી લદ્દાખના બે દિવસીય પ્રવાસ પર આવેલા સેના પ્રમુખને શીર્ષ કમાન્ડર ક્ષેત્રની સ્થિતિથી અવગત કરાવશે.