નવી દિલ્હી: અમેરિકન ઇ-કોમર્સ કંપની એમેઝોન ડોટ કોમએ ફ્યુચર ગ્રુપને રિલાયન્સ ઇન્ડસ્ટ્રીઝની સાથે 24,713 કરોડ રૂપિયાનો કરારને લઇ નોટિસ ફટકારી છે. કંપનીનો આરોપ છે કે આ પ્રોપર્ટી ટ્રાન્સફર ડીલ તેની સાથે ફ્યુચર ગ્રુપે કરેલા કરારનું ઉલ્લંઘન છે.
એમેઝોનના પ્રવક્તાએ કહ્યું, અમે અમારા કરારના અધિકારનું પાલન કરવા આ પગલાં લીધાં છે. આ મામલો હજી કોર્ટમાં પેન્ડિંગ છે, તેથી અમે વધુ માહિતી આપી શકતા નથી.
એમેઝોનએ ગત વર્ષે ફ્યુચર ગ્રુપની લિસ્ટમાં આવેલી કંપની ફ્યુચર કુપન્સ લિમિટેડમાં 49 ટકા હિસ્સો ખરીદ્યો હતો. કંપનીએ જૂથની ફ્લેગશિપ કંપની ફ્યુચર રિટેલમાં 3થી 10 વર્ષના સમયગાળા બાદ હિસ્સો ખરીદવાનો અધિકારનો સોદા કરવામાા આવ્યો છે. ફ્યુચર કુપન્સની ફ્યુચર રિટેલમાં 7.3 ટકા હિસ્સો છે.
આ વર્ષે ઓગસ્ટમાં ફ્યુચર ગ્રુપે રિલાયન્સ ગ્રુપને તેના રિટેલ, થોક, લોજિસ્ટિક્સ અને સ્ટોરેજ યુનિટ વેચવાના સોદા પર હસ્તાક્ષર કર્યા હતા. આ ડીલને હજી નિયમનકારી મંજૂરી મળવાની બાકી છે.
ફ્યુચર કુપન્સને એમેઝોન તરફથી કાનૂની નોટિસ મળી છે. ફ્યુચર ગ્રુપને આ સૂચના એવા સમયે મળી છે જ્યારે દેશના સૌથી ધનિક વ્યક્તિ મુકેશ અંબાણીના નેતૃત્વ હેઠળની રિલાયન્સ ગ્રુપની કંપની રિલાયન્સ રિટેલ રીચર્સ વેન્ચર્સ લિમિટેડ ભંડોળ ભેગુ કરવામાં લાગી છે.
ચાર સપ્તાહથી ઓછા સમયમાં કંપનીએ સિલ્વરલેક, કેકેઆર, જનરલ એટલાન્ટિક, જીઆઈસી, ટીપીજી, મુબડાલા અને એડીઆઈએ પાસેથી રૂપિયા 37,700 કરોડ એકત્ર કર્યા છે. રિલાયન્સ રિટેલની દેશના 7,000 જેટલા શહેરો અને નગરોમાં છે.
