નવી દિલ્હી: કેન્દ્રીય આરોગ્ય મંત્રાલયના ઓએસડી રાજેશ ભૂષણે કહ્યું કે, કુલ કોરોનાના 86 ટકા કેસ દસ રાજ્યોના છે. તેમાંથી 50 ટકા કેસ મહારાષ્ટ્ર અને તમિલનાડુના છે અને બાકીના 36 ટકા કેસ આઠ રાજ્યોના છે.
રાજ્યોના રિકવરી દર અંગે માહિતી આપતા રાજેશ ભૂષણએ જણાવ્યું હતું કે ઉત્તર પ્રદેશમાં કોરોના કેસનો રિકવરી રેટ 64 ટકા, ઓડિશામાં 67 ટકા, ગુજરાતમાં 70 ટકા અને તમિલનાડુમાં દર 65 ટકા છે.
2 મેથી 30 મેની વચ્ચે, દેશમાં કોરોના સંક્રમણના દર્દીઓ ઝડપથી સ્વસ્થ થયા છે. ત્યારથી, સક્રિય અને ડિસ્ચાર્જ થતા લોકો વચ્ચેનું અંતર વધ્યું છે. આ સાથે તેમણે કહ્યું હતું કે દેશમાં કોરોનાના સક્રિય કેસો કરતા સાજા લોકોની સંખ્યા 1.8 ગણી વધારે છે.
આરોગ્ય મંત્રાલયે કહ્યું કે કન્ટેન્ટ ઝોન પર હજી કામ કરવાની જરૂર છે. કોરોના ટેસ્ટને વધુ વધારવું જોઈએ અને ક્લિનિકલ મેનેજમેન્ટ વધુ સારું કરવું જોઈએ. આ સાથે, મંત્રાલયે કહ્યું કે રાજ્યના ઘરે ઘરે કોરોના ચેપના દર્દીઓની શોધ કન્ટેન્ટ ઝોનમાં થવી જોઈએ. કોરોના પરીક્ષણમાં વધારો કરીને, કેસો વહેલા શોધી કાઢવામાં આવશે અને કોરોના કેસને વધુ સારી રીતે નિયંત્રિત કરી શકાશે.
