ઝારખંડના ગઠવા જિલ્લામાં 15 થી 21 વર્ષના 10 કિશોરો પર વીજળી પડી હતી. જેમાંથી 8 કિશોરના મોત થયા છે. જ્યારે બે ની હાલત ગંભીર હોવાથી સારવાર અર્થે હોસ્પિટલ ખસેડવામાં આવ્યા છે.
મળતી માહિતી મુજબ આ 10 કિશોરોનું ટોળું એક ઝાડ નીચે રમી રહ્યાં હતા. આ દરમિયાન ધોધમાર વરસાદ આવ્યો અને વીજળીના કડાકા ભડાકા થવા લાગ્યા. છોકરાઓ ઝાડ નીચે હતા એ દરમિયાન અચાનક વીજળી પડી હતી. 6 લોકોના ઘટનાસ્થળે જ મોત નિપજયા હતા. જ્યારે 4 ને તાત્કાલિક હોસ્પિટલ ખસેડવામાં આવ્યા હતા, પરંતુ 2 ના મોત સારવાર પહેલા જ નિપજયા હતા.
આ દુર્ઘટનાથી છોકરાઓના પરિવારમાં માતમ છવાયેલો છે. જો કે પ્રશાસનના અધિકારીએ હોસ્પિટલ જઈ પરિવારના લોકોને હિંમત આપી હતી. આ મામલે મુખ્યપ્રધાન રઘુવર દાસે શોક વ્યક્ત કરી મૃતકના પરિવારોને 4 લાખ રુપિયા સહાય આપવાનો નિર્દેશ કર્યો છે.
