દિલ્હીના નિઝામુદ્દીનમાં મરકઝમાં ગયેલા તેલંગાણાવાસીઓની શોધખોળ શરુ કરાઈ

દિલ્હીના નિઝામુદ્દીન વિસ્તારમાં આવેલી મસ્જીદમાં તબલીઘી જમાતના લોકો મોટી સંખ્યામાં ભેગા થયા હતા. જેમાં ઉપસ્થિત રહેનારા તેલંગાણા રાજ્યના 1030 લોકોની શોધખોળ શરુ કરાઈ છે.

હૈદરાબાદઃ દેશમાં કોરોનાનો કહેર વધી રહ્યો છે. એવામાં દિલ્હીની એક મસ્જીદમાં એક સાથે 1300 લોકો ભેગા થવાની ઘટનાએ સમગ્ર દેશમાં હાહાકાર મચાવ્યો છે. આ લોકોમાં 1000થી વધુ લોકો તેલંગાણાના હોવાનું બહાર આવ્યુ છે.

દિલ્હીના નિઝામુદ્દીનમાં ધાર્મિક સભામાં ગયેલા તેલંગાણાવાસીઓની શોધખોળ શરુ કરાઈ

તેલંગાણા સરકારના અંદાજ મુજબ આ ધાર્મિક સભા તેલંગાણા રાજ્યનાં 1030 લોકોએ ભાગ લીધો હતો. તેલંગાણા સરકારે હવે આ લોકોની શોધખોળ સઘન કરી છે. ઉલ્લેખનીય છે કે, આ મરકઝમાં ભાગ લેનારા 6 મુસ્લિમોનું કોરોના વાઈરસના કારણે મૃત્યુ થયુ હોવાનો ખુલાસો તેલગાંણા સરકારે સોમવારે કર્યો હતો.