મેષ: આપ વધુ પડતા સંવેદનશીલ બની જવાને કારણે કોઇની વાણી આપની લાગણીને ઠેસ પહોંચાડશે. માતાના સ્વાસ્થ્યની વધુ કાળજી લેવાની સલાહ છે. સ્થાવર મિલ્કત અંગે કોઇ નિર્ણય ન લેવો હિતાવહ છે. શરીર અને મનમાં અજંપો અનુભવાય. વિદ્યાર્થીઓ માટે સમય મિશ્ર ફળ આપનારો બની રહેશે. આપનું સ્વમાન ઘવાય તેવી પણ શક્યતા છે. આપે ઓફિસ અને કામકાજમાં સ્ત્રીઓથી સાચવીને રહેવું પડશે.
વૃષભ: આપને શારીરિક તેમજ માનસિક સ્વસ્થતા અને આનંદનો અનુભવ થશે તેમ જણાઈ રહ્યું છે. કુટુંબીજનો અને ઘર પરિવારને લગતા પ્રશ્નો અંગે વિચાર વિમર્શ કરવો જોઇએ. મિત્રો સાથે હરવા ફરવાનું થાય. નાણાંકીય બાબતોનું વધારે ધ્યાન રાખવું પડશે. દરેક કામમાં સફળતા મેળવી શકશો. ભાગ્ય વૃદ્ધિ થવાની શક્યતા પણ છે. સહોદરો પાસેથી મદદ મેળવી શકશો. પ્રિયજનની નિકટતા અને સામાજિક જીવનમાં માન અને આદર મેળવી શકશો. આપના વેપારમાં વૃધ્ધિ થાય. વિરોધીઓના હાથ હેઠા પડશે.
મિથુન: આપનું નિર્ધારિત કાર્ય પૂર્ણ થવામાં વિલંબ થશે,તેમ જણાઈ રહ્યું છે. નાણાંકીય યોજનાઓ સારી રીતે પાર પાડી શકશો. સ્વાદિષ્ટ ભોજન માણી શકશો. વિદ્યાર્થીઓને વિદ્યાભ્યાસ માટે દિવસ મધ્યમ રહેશે. મિત્રો અને પ્રિયજનોને મળીને ખુશી અનુભવાશે. ધંધા માટે સમય અનુકૂળ છે. આપની આવકમાં વધારો થશે.
કર્ક: આજે આપ લાગણીઓના પ્રવાહમાં તણાશો અને મિત્રો, પરિવારજનો અને સગાં સ્નેહીઓ પણ તેમાં સહભાગી થશે. આપ ભેટ સોગાદો મેળવી શકશો. હરવા ફરવાનું અને સ્વાદિષ્ટ ભોજન માણવાનું આયોજન કરશો. શુભ પ્રસંગોમાં હાજરી આપી શકશો. પ્રવાસ આનંદ ઉત્સાહથી ભરપૂર રહેશે. આર્થિક લાભ થાય. દાંપત્યજીવનમાં વધુ નિકટતા અનુભવાશે.
સિંહ: ચિંતાના બોજથી દૂર રહેવું અન્યથા આપનું આરોગ્ય જોખમાઈ શકે છે. શક્ય હોય ત્યાં સુધી કોઈની સાથે ઉગ્ર દલીલો કે વાદવિવાદથી દૂર રહેવું તેમજ સંઘર્ષની સ્થિતિ ટાળવી. કોર્ટ કચેરીના કામમાં સાવધાનીપૂર્વક પગલું ભરવું. લાગણીના પ્રવાહમાં તણાઇને આપ કોઇ અવિચારીકાર્ય ના કરતા. વાણી અને વર્તનમાં વધુ સંયમ તથા વિવેક જાળવવાની આપને સલાહ છે.
કન્યા: આપની શારીરિક અને માનસિક સ્વસ્થતા સાથે આજે આપને ઘણાં લાભ મળશે. વેપાર અને નોકરી કરતા લોકોને નાણાંકીય લાભ થઇ શકે. ઉચ્ચ અધિકારીઓ આપનાથી ખુશ રહેશે તેથી આપની પદોન્નતિ પણ થઇ શકે છે. લગ્ન કરવા માંગતા હોય તેમના માટે સમય અનુકૂળ બનશે. સ્ત્રી મિત્રોથી ફાયદો થવાની શક્યતા છે. કોઇ રમણીય સ્થળે ફરવા જવાનુ થઇ શકે. આપ દાંપત્યજીવનનો સંપૂર્ણ આનંદ માણી શકશો.
તુલા: આજે આપનું દરેક કામ સરળતાથી પૂરૂં થશે. આપના માન-પાન વધશે. ઉપરી અધિકારીઓ તરફથી પ્રોત્સાહન મળતા આપના આત્મવિશ્વાસમાં વધારો થશે. વેપારીઓ તેમના નફામાં વૃદ્ધિ કરી શકશે. આપનું લગ્ન જીવન આનંદથી ભરપૂર રહેશે. આપનું સ્વાસ્થ્ય સારું રહેશે. આપને સારું દાંપત્ય સુખ પ્રાપ્ત થશે.
વૃશ્ચિક: આપને શરીરમાં થાક અને સુસ્તી અનુભવાશે જેના કારણે આપના કામ કરવાના ઉત્સાહમાં ઘટાડો થશે. વધુ પડતું કામનું ભારણ ના લેવાની સલાહ છે. જેનાથી આપને શારીરિક રીતે આરામ મળવા ઉપરાંત માનસિક શાંતિનો અહેસાસ પણ થશે. આપના કામમાં ઉપરી અધિકારીઓનો સહકાર ઓછો મળતો હોય તેવું લાગી શકે છે. વિરોધીઓને આ સમયમાં કોઈ કાવાદાવા કરવાની તક ના આપતા. આપના વ્યવસાયમાં સ્પર્ધાનો સામનો કરવો પડશે. આપે અગત્યના નિર્ણયો હમણાં ન લેવા.
ધન: અમુક ખરાબ પ્રસંગો, બિમારી કે ઉગ્ર સ્વભાવને કારણે આપ માનસિક અસ્વસ્થતા અનુભવો, તેથી આપને સલાહ છે કે આપે ગુસ્સાને નિયંત્રણમાં રાખવો પડશે. નવા સંબંધોની શરૂઆત કરવામાં ખોટી ઉતાવળ ટાળજો. આજના દિવસમાં સમયસર ભોજન લેવાનો આગ્રહ રાખવો. ખર્ચ વધી ન જાય તેનું ધ્યાન રાખવું પડશે. આપને કોઇની સાથે સંઘર્ષ કે ઝગડો ન થાય તેનું ધ્યાન રાખવું પડશે.
મકર: આપના વિચારો તેમ જ વર્તનમાં લાગણીનું પ્રમાણ વધારે રહેશે. મિત્રો અને પરિવારજનો સાથે ખુશીમાં સમય પસાર કરી શકશો. આપને શારિરીક માનસિક સ્ફૂર્તિ અને આનંદ અનુભવાશે. આપના વ્યવસાયમાં વૃદ્ધિ થશે. વિવિધ સ્રોતો દ્વારા આપની આવકમાં વધારો થશે. ભાગીદારીથી લાભ થાય. સમાજ માં આપની પ્રતિષ્ઠા વધશે. આપ પ્રવાસની મજા માણશો. વિજાતીય વ્યક્તિ તરફ આકર્ષણ અનુભવશો.
કુંભ: આજે આપ પોતાના કામમાં સફળતા મેળવશો અને લોકો આપના કામની કદર કરશે તેમ જણાઈ રહ્યું છે. પરિવારજનો સાથે આપનો સંબંધ વધુ ગાઢ બનશે. આપને શરીર અને મનથી તાજગીનો અનુભવ થશે. ઓફિસમાં સાથે કામ કરતા લોકો આપને સહકાર આપશે. આપના પરિવારમાં ખુશીનું વાતાવરણ જળવાયેલુ રહેશે.
મીન: આપની સર્જનશક્તિમાં વધારો થવાને કારણે આપ કલા અને સાહિત્યમાં રસ લેશો. આપ વધુ લાગણીશીલ બનશો અને સ્નેહીજનો સાથેનો સંબંધ વધુ ગાઢ બનશે. આપનો મિજાજ વધુ રંગીન બનશે. સ્વાસ્થ્ય નરમ-ગરમ રહ્યા કરે. વિદ્યાભ્યાસમાં સારું પરિણામ જોઇ શકશો. આપને મન અને વાણીને કાબુમાં રાખવાની સલાહ આપવામાં આવે છે.
