- સંસદનું શિયાળુ સત્ર 29 નવેમ્બરથી શરૂ થશે
- 28 નવેમ્બરના સર્વદળીય બેઠકમાં સામેલ થઈ શકે છે PM
- શિયાળુ સત્રમાં મોંઘવારી, હિંદુત્વ, પેટ્રોલ-ડીઝલના ભાવ જેવા મુદ્દા ઉઠી શકે છે
નવી દિલ્હી: સંસદના શિયાળુ સત્ર (winter session of Parliament)થી પહેલા 28 નવેમ્બરના એક સર્વદળીય બેઠક બોલાવવામાં આવી છે. સમાચાર એજન્સી ANIએ સૂત્રો પ્રમાણે આ જણાવ્યું છે. ઉલ્લેખનીય છે કે સંસદનું શિયાળુ સત્ર 29 નવેમ્બરથી શરૂ થવાનું છે. આ દરમિયાન સૂત્રોએ જણાવ્યું કે, વડાપ્રધાન નરેન્દ્ર મોદી (pm modi) 28 નવેમ્બરની સર્વદળીય બેઠક (all-party meeting)માં સામેલ થઈ શકે છે.
વિપક્ષ સંસદમાં સરકારને ઘેરવાનો સંપૂર્ણ પ્રયત્ન કરશે
ઉલ્લેખનીય છે કે સંસદના શિયાળુ સત્ર (winter session) અને બજેટ સત્ર (budget session) બાદ તરત 5 રાજ્યોમાં વિધાનસભા ચૂંટણી (assembly elections) થવાની છે. આ કારણે રાજકીય દળો (political parties) સરકારને ઘેરવાનો સંપૂર્ણ પ્રયત્ન કરશે. આનાથી વિપરીત એક વર્ષથી આંદોલન કરી રહેલા ખેડૂતોએ આગામી શિયાળુ સત્ર દરમિયાન દરરોજ સંસદ સુધી રેલી નિકાળવાનો નિર્ણય કર્યો છે. આ પહેલા કોંગ્રેસ નેતાઓ (congress leaders)એ હિંદુ અને હિંદુત્વ પર નિવેદન આપીને માહોલ ગરમ કરી દીધો છે.
મોંઘવારીનો મુદ્દો ઉઠશે
શિયાળુ સત્રમાં આના પડઘા પણ સંભળાશે. આ ઉપરાંત અનેક એવા મુદ્દા છે, જેમાં કેન્દ્ર સરકારે જવાબ આપવાનો છે. છેલ્લા 6 મહિનામાં મોંઘવારી આકાશને આંબી રહી છે. પેટ્રોલ અને ડીઝલના ભાવ તો વધી જ ગયા છે, તો સામાન્ય લોકોનું રાશન-પાણી મોંઘું થઈ ગયું છે. ખાવાના તેલના ભાવ લગભગ બમણા થઈ ગયા છે. મોંઘવારીના મુદ્દા પર સંસદમાં ચર્ચા થઈ શકે છે. કોંગ્રેસ શાસિત રાજ્યોમાં વેટ વસૂલવાનો મુદ્દો ઉઠવો નક્કી છે. જો ચર્ચા ન થઈ તો હોબાળો થશે તે પણ નક્કી છે.
પેગાસસ કાંડની ભેટે ચડ્યું હતું સંસદનું ચોમાસુ સત્ર
ઉલ્લેખનીય છે કે સંસદનું ચોમાસુ સત્ર પેગાસસ જાસૂસી કાંડની ભેટે ચડી ગયું હતું. ચોમાસુ સત્રમાં લોકસભામાં ફક્ત 21 ટકા અને રાજ્યસભામાં 29 ટકા કામ થયું. હવે શિયાળુ સત્રમાં પણ હોબાળો થશે તેવા અણસાર છે. જો કે 2004 બાદ વિન્ટર સેશનનો ટ્રેક રેકોર્ડ ઘણો સારો રહ્યો છે. 2014 અને 2015માં આ સત્રમાં 98 ટકા કામો પૂર્ણ થયા છે.
15 દિવસમાં કેટલું કામ થાય છે તેના પર નજર
2016ના શિયાળુ સત્રમાં સંસદ પ્રોડક્ટિવિટી ફક્ત 15 ટકા પર અટકી ગઈ. 2017માં આ 78 ટકા સુધી પહોંચી, 2018માં ફક્ત 46 ટકા કામ પૂર્ણ થયું. 2019માં સંસદની રેકોર્ડતોડ 111 ટકા પ્રોડક્ટિવિટી રહી. 2020માં કોરોનાના કારણે શિયાળુ સત્રને રદ્દ કરવું પડ્યું. આ વખતે સંસદ 15 દિવસમાં કેટલું કામ કરે છે તે જોવું જરૂરી છે.
આ પણ વાંચો: Uniform Civil Code : મુસ્લિમ પર્સનલ લો બોર્ડે કહ્યું- "કાયદો બંધારણીય અધિકારોની વિરુદ્ધ"
આ પણ વાંચો: MSPના મુદ્દે ખેડૂત સંગઠન અડીખમ, લખનઉમાં આજે મહાપંચાયત યોજાશે
