નવસારી: બે દિવસ અગાઉ નવસારીના નસીલપુર ગામ પાસે અકસ્માતમાં ઘાયલ થયેલા દીપડાએ લોકો પર હુમલો કર્યો હતો. જેના સીસીટીવી સામે આવ્યા છે. નસીલપુર ખાતે રહેતા ઇમ્તિયાઝ રાઉતના ઘર આંગણામાં મુકેલા સીસીટીવીમાં સમગ્ર ઘટનાના દ્રશ્ય કેદ થયા છે. જેમાં ઘાયલ દીપડો બચવા માટે મુખ્ય રોડ પરથી પાંચ લોકો પાછળ દોડતો દેખાય છે. જેમાં દીપડો ઓણચી ગામની જીનલ પટેલ પાછળ દીપડો દોડ્યો હતો. આ દરમિયાન પોતે બચવા માટે તે યુવતી ઈમ્તિયાઝ રાઉતના ઘરે ઘૂસી ગયો હતો.
ભાગદોડ વચ્ચે દીપડો મોપેડ સાથે ભટકાઈને ફસાઈ પડ્યો ત્યારબાદ તે બાજુના ગાર્ડનમાંથી ઘર પાછળ આવેલા શેરડીના ખેતરમાં ભાગી છૂટ્યો હતો. આ સમગ્ર ઘટના સીસીટીવીમાં કેદ થઈ છે.
દીપડો કેમ ઘાયલ હતો: ગત બે દિવસ પહેલા નવસારી બારડોલી રોડ પર નસીલપોર ગામે રાત્રિના સમયે રસ્તો ક્રોસ કરવા જતા એક દીપડો કાર સાથે ભટકાયો હતો. અકસ્માતમાં ગંભીર રીતે ઘવાતા દીપડો રસ્તા ઉપર પડ્યો હતો. દરમિયાન લોકોની ભીડ થતા થોડો સુધમાં આવતા જ દીપડો બચવા માટે ભાગ્યો, જેમાં રસ્તાની સામેની સાઈડે ઉભેલા લોકો તરફ દોડતા તેઓ જીવ બચાવી ઘર તરફ ભાગ્યા હતા. જેમાં દીપડો એક યુવતીના પાછળથી તરાપ મારતા યુવતીના પગમાં ગંભીર ઈજા થઈ હતી. જોકે યુવતીને ઘરમાં ખેંચી લેતા તેનો જીવ બચી ગયો હતો. જ્યારે દીપડો ઘરના આંગણામાં ફસડાઈને મોપેડ સાથે અથડાયો હતો. બાદમાં બાજુના વાડામાંથી ભાગી પાછળની ઝાડી ઝાંખરાવાળી ખુલ્લી જગ્યામાં ભાગી ગયો હતો.
સ્વયંસેવકોએ ખુલા વાડામાં જઈ દીપડો ક્યાં છે એની તપાસ કરી: આ સમગ્ર ઘટનાની જાણ થતા વાઇલ્ડ લાઇફમાં કામ કરતી NGO ના સભ્યો તેમજ નવસારી સામાજિક વનીકરણ વિભાગના RFO હીના પટેલ ઘટના સ્થળે પહોંચ્યા હતા. જ્યાં વાઇલ્ડ લાઇફના સ્વયંસેવકોએ ખુલા વાડામાં જઈ દીપડો ક્યાં છે એની તપાસ કરી હતી. બીજી તરફ વન વિભાગ દ્વારા નવસારી પાલિકાના ફાયર વિભાગ તેમજ ગણદેવી અને ચીખલી વન વિભાગના કર્મીઓની મદદ માંગવામાં આવી હતી. ફાયર સાથે વન વિભાગના કર્મચારીઓ ઘટના સ્થળે પહોંચતા દીપડાનું રેસ્ક્યુ શરૂ કરવાની શરૂઆત કરી હતી, પરંતુ આ ઘટનાને બે દિવસ વીતી ચુક્યા હોવા છતાં ઘાયલ દીપડો પાંજરે પુરાયો નથી.
લોકોમાં ભયનો માહોલ છવાયો છે: જે પ્રમાણે સીસીટીવીમાં દિપડો લોકોની પાછળ ડોટ મૂકતો દેખાય છે તે દ્રશ્યને જોઈ સ્થાનિકો પણ હાલ ભયના ઓથાર વચ્ચે જીવી રહ્યા છે. ઉપરાંત દિપડો ઘાયલ હોવા છતાં પણ લોકો પર હુમલો કરી કરી શકે છે જેનો એક ડર લોકોમાં હાલ જોવા મળી રહ્યો છે. આથી સ્થાનિકો દીપડો જલ્દીથી પાંજરે પુરાય તેવી આશા વન વિભાગ પર કરી રહ્યા છે.
આ પણ વાંચો: