વડોદરા : હાલમાં જ વડોદરાના મહેતા વાડી વિસ્તારમાં એક હોસ્પિટલના પરિસરમાં ભારતીય જનતા પાર્ટીના ભૂતપૂર્વ કાઉન્સિલરના પુત્રની કથિત રીતે છરી મારી હત્યા કરવામાં આવી હતી. વડોદરા પોલીસના DCP પન્ના મોમાયાએ આ અંગે વિગતવાર માહિતી આપી હતી.
શું બન્યું એ દિવસે ? પોલીસના જણાવ્યા અનુસાર આ ઘટના સોમવારના રોજ બની હતી. તપન તેના મિત્રને મળવા ગયો હતો, જે બે સમુદાયના માણસો વચ્ચેની બોલાચાલી બાદ સારવાર માટે હોસ્પિટલમાં હતો. આ સમયે પીડિત તપનને કથિત હિસ્ટ્રીશીટર બાબરે છરી મારી હતી. ત્યારબાદ મહેતા વાડી વિસ્તારના પોલીસ સ્ટેશન પર લોકો એકઠા થયા હતા અને હત્યાને લઈને ઉશ્કેરણી કરી હતી. પોલીસે એ પણ ઉલ્લેખ કર્યો છે કે તપન બોલાચાલીમાં સામેલ ન હતો, પરંતુ તે તેના મિત્રને મળવા આવ્યો હતો.
ભાજપ નેતાના પુત્રનું મોત : આ ઘટના અંગે માહિતી આપતા વડોદરાના ડેપ્યુટી પોલીસ કમિશનર (DCP) પન્ના મોમાયાએ જણાવ્યું હતું કે, મહેતા વાડી વિસ્તારમાં બે સમુદાયના માણસો વચ્ચે લડાઈ શરૂ થઈ હતી અને તે બોલાચાલીમાં પરિણમી હતી. બંને પક્ષના લોકો સારવાર માટે હોસ્પિટલમાં ગયા હતા. ત્યાંથી પોલીસ સ્ટેશને મેડીકો-લીગલ કેસ (MLC) મેળવ્યો. પોલીસ ત્યાં પહોંચે તે પહેલાં બાબર નામના વ્યક્તિએ તપનને માર માર્યો, અને તેનું મોત થયું. પોલીસે FIR દાખલ કરવાની કાર્યવાહી શરૂ કરી છે.
પોલીસ કાર્યવાહી : DCP પન્ના મોમાયાએ વધુમાં જણાવ્યું કે, અમે આરોપીની ઓળખ કરવાની પ્રક્રિયા પણ શરૂ કરી દીધી છે. અમે તેને પકડવા માટે જુદી જુદી ટીમો બનાવવાનો નિર્દેશ આપ્યો છે. FSL ટીમને બોલાવવામાં આવી છે. અમે કાર્યવાહી શરૂ કરી છે. અમે શાંતિ જાળવવા માટે આ વિસ્તારમાં ટીમ તૈનાત કરી છે. અમે લોકોને ખાતરી આપી રહ્યા છીએ કે, કડક કાર્યવાહી કરવામાં આવશે અને આરોપીઓને સજા કરવામાં આવશે, અમે સીસીટીવી ફૂટેજની તપાસ કરી રહ્યા છીએ.
આરોપીનો ગુનાહિત ઇતિહાસ : DCP પન્ના મોમાયાએ વધુમાં ઉમેર્યું કે, તપનના મિત્રને સારવાર માટે હોસ્પિટલમાં લઈ જવામાં આવ્યો હતો, તેથી તે ત્યાં ગયો હતો. તે બોલાચાલીમાં સામેલ ન હતો. બાબરનો ગુનાહિત ઇતિહાસ છે અને તેની ઘણી વખત ધરપકડ થઈ ચૂકી છે. તે હિસ્ટ્રીશીટર છે.
