ડરબન: યજમાન દક્ષિણ આફ્રિકા અને શ્રીલંકા વચ્ચે ડરબનમાં ટેસ્ટ શ્રેણીની પ્રથમ મેચ રમાઈ રહી છે. પ્રથમ ટેસ્ટ મેચ 27મી ડિસેમ્બરે શરૂ થઈ હતી જેમાં પ્રથમ બેટિંગ કરતા દક્ષિણ આફ્રિકાની ટીમ પ્રથમ દાવમાં માત્ર 191 રનમાં ઓલઆઉટ થઈ ગઈ હતી. જવાબમાં શ્રીલંકાની બેટિંગ ખૂબ જ નબળી રહી હતી અને સમગ્ર ટીમ માત્ર 13.5 ઓવરમાં 42 રનમાં ઓલઆઉટ થઈ ગઈ હતી.
2 બેટ્સમેનોને બાદ કરતાં કોઈ બે આંકડા સુધી કોઈ ખેલાડી પહોંચી શક્યું ન હતું જ્યારે 5 બેટ્સમેન પોતાનું ખાતું પણ ખોલી શક્યા નહોતા. આ રીતે શ્રીલંકાની ટીમે ટેસ્ટ ક્રિકેટના ઈતિહાસમાં પોતાના સૌથી ઓછા સ્કોરનો શરમજનક રેકોર્ડ બનાવ્યો. આટલું જ નહીં છેલ્લા 100 વર્ષમાં લંકાના નામે એક અનિચ્છનીય રેકોર્ડ પણ નોંધાયો છે.
Marco Jansen's irresistible spell has bowled Sri Lanka out for their lowest score in Test cricket 😯#WTC25 | #SAvSL: https://t.co/y6bPVkPsHb pic.twitter.com/6QeONaC91N
— ICC (@ICC) November 28, 2024
100 વર્ષના ઇતિહાસમાં આવું બન્યું નથી…આ ખેલાડીએ આંતરરાષ્ટ્રીય T20 ક્રિકેટમાં રચ્યો ઇતિહાસ, પહેલીવાર આવું બન્યું...
હકીકતમાં, શ્રીલંકાએ છેલ્લા 100 વર્ષના ટેસ્ટ ક્રિકેટના ઇતિહાસમાં સૌથી ઓછા બોલનો સામનો કરીને ઓલઆઉટ થવાનો શરમજનક રેકોર્ડ નોંધાવ્યો છે. અગાઉ વર્ષ 1924માં દક્ષિણ આફ્રિકાની ટીમ ઈંગ્લેન્ડ સામેની એજબેસ્ટન ટેસ્ટ મેચમાં માત્ર 30 રનના સ્કોર સુધી મર્યાદિત રહી હતી જેમાં તેણે 75 બોલનો સામનો કર્યો હતો. હવે શ્રીલંકાએ આ રેકોર્ડ તોડી નાખ્યો છે.
સાઉથ આફ્રિકાના બોલરે રચ્યો ઈતિહાસ
શ્રીલંકાને 42 રનમાં આઉટ કરવામાં દક્ષિણ આફ્રિકાના બોલર માર્કો જેન્સનની મોટી ભૂમિકા હતી, જેણે એકલા હાથે 7 બેટ્સમેનોને પેવેલિયનનો રસ્તો બતાવ્યો હતો. તેણે માત્ર 6.5 ઓવરમાં 13 રન આપીને 7 વિકેટ ઝડપી અને ટેસ્ટ ક્રિકેટના 100 વર્ષ જૂના મહાન રેકોર્ડની બરાબરી કરી. યાનસને માત્ર 41 બોલમાં શ્રીલંકાના 7 બેટ્સમેનોને આઉટ કર્યા હતા. આ સાથે, તે ટેસ્ટ મેચની એક ઇનિંગમાં સૌથી ઓછા બોલમાં સંયુક્ત રીતે 7 વિકેટ લેનાર વિશ્વનો બીજો બોલર બન્યો. તેણે ઓસ્ટ્રેલિયાના બોલર હ્યુ ટ્રમ્બલની બરાબરી કરી હતી. વર્ષ 1904માં હ્યુ ટ્રમ્બુલે 41 બોલમાં ટેસ્ટ ઇનિંગ્સમાં ઈંગ્લેન્ડના 7 બેટ્સમેનોને પેવેલિયનનો રસ્તો બતાવ્યો હતો.
Jansen on song!🎵
— Proteas Men (@ProteasMenCSA) November 28, 2024
Marco meant business, and took NO prisoners as he bull-dozed the Sri Lanka batters to get career-best Test Match figures of 7/13😃😎🇿🇦
An absolute dominant display, one for the history books.📖🏏#WozaNawe #BePartOfIt #SAvSL pic.twitter.com/OWrXUKX0lO
ટેસ્ટ મેચની ઇનિંગ્સમાં સૌથી ઓછા બોલમાં 7થી વધુ વિકેટ લેનારા બોલરો:
- 41 - હ્યુ ટ્રમ્બુલ (AUS) વિ. ઈંગ્લેન્ડ, 1904
- 41 - માર્કો જેન્સન (SA) વિ. શ્રીલંકા, 2024
- 46 - મોન્ટી નોબલ (AUS) વિ.ઈંગ્લેન્ડ, 1902
નોંધનીય છે કે, માર્કો જેન્સન IPL 2025માં પંજાબ કિંગ્સ તરફથી રમતા જોવા મળશે. IPL 2025ની મેગા ઓક્શનમાં જેન્સનને પંજાબ કિંગ્સે 7 કરોડ રૂપિયામાં ખરીદ્યો હતો. આવી સ્થિતિમાં યાનસનનું પ્રદર્શન જોઈને પંજાબ કિંગ્સની ટીમના આનંદનો પાર નહીં રહે.
🔄 | Change of Innings
— Proteas Men (@ProteasMenCSA) November 28, 2024
The Proteas demolish the Sri Lankan batting line-up🔥🏏🇿🇦
🇱🇰Sri Lanka manage to post 42/10 in only 13.5 overs of play.#WozaNawe #BePartOfIt #SAvSL pic.twitter.com/SfGojn5G6o
દક્ષિણ આફ્રિકા સામેની ટેસ્ટમાં કોઈપણ ટીમનો અત્યાર સુધીનો સૌથી ઓછો સ્કોર
ડરબન ટેસ્ટ મેચમાં શ્રીલંકાની ટીમે માત્ર 42ના સ્કોર પર સમેટાઈને વધુ એક ખરાબ રેકોર્ડ બનાવ્યો છે, જેમાં આ હવે દક્ષિણ આફ્રિકા સામેની ટેસ્ટમાં કોઈપણ ટીમનો સૌથી ઓછો સ્કોર છે. આ પહેલા વર્ષ 2013માં કેપટાઉન ટેસ્ટ મેચમાં ન્યૂઝીલેન્ડની ટીમ માત્ર 45ના સ્કોર સુધી સીમિત રહી હતી. આ સિવાય વર્ષ 2011માં કેપટાઉનના મેદાન પર રમાયેલી મેચમાં ઓસ્ટ્રેલિયાની ટીમ પણ 47 રનના સ્કોર પર ઓલઆઉટ થઈ ગઈ હતી.
આ પણ વાંચો:
