નવી દિલ્હીઃ ભારત અને સ્પેન વચ્ચે રમાયેલી બ્રોન્ઝ મેડલ મેચમાં ભારતે શાનદાર જીત હાંસલ કરી અને સ્પેનને 2-1થી હરાવ્યું. આ જીત સાથે ભારતે બ્રોન્ઝ મેડલ જીતી લીધો છે. ભારતે છેલ્લો ઓલિમ્પિક બ્રોન્ઝ મેડલ જાળવી રાખ્યો છે. સેમિફાઇનલમાં હાર્યા બાદ ભારતે શાનદાર વાપસી કરી અને બ્રોન્ઝ મેડલ કબજે કર્યો. ભારતીય ખેલાડીઓએ શાનદાર પ્રદર્શન કર્યું અને ઓલિમ્પિકમાં ચોથી વખત બ્રોન્ઝ મેડલ જીત્યો. આ સાથે ભારતીય હોકી ટીમે પી.આર શ્રીજેશને ભવ્ય વિદાય આપી હતી.
🏑💪🏻 𝗕𝗮𝘁𝘁𝗹𝗲 𝗳𝗼𝗿 𝗯𝗿𝗼𝗻𝘇𝗲! Can the men's hockey team win India's fourth medal at the Paris Olympics?
— India at Paris 2024 Olympics (@sportwalkmedia) August 8, 2024
👉 𝗙𝗼𝗹𝗹𝗼𝘄 @sportwalkmedia 𝗳𝗼𝗿 𝗲𝘅𝘁𝗲𝗻𝘀𝗶𝘃𝗲 𝗰𝗼𝘃𝗲𝗿𝗮𝗴𝗲 𝗼𝗳 𝗜𝗻𝗱𝗶𝗮𝗻 𝗮𝘁𝗵𝗹𝗲𝘁𝗲𝘀 𝗮𝘁 𝘁𝗵𝗲 𝗣𝗮𝗿𝗶𝘀 𝗢𝗹𝘆𝗺𝗽𝗶𝗰𝘀 𝟮𝟬𝟮𝟰!… pic.twitter.com/NagdEt5dG3
પ્રથમ ક્વાર્ટરમાં ભારતનો દબદબો રહ્યો:
આ મેચમાં ભારતે આક્રમક શરૂઆત કરી હતી. પરિણામે, ભારત પ્રથમ ક્વાર્ટરમાં બે વખત ગોલ કરવાનું ચૂકી ગયું. પ્રથમ ક્વાર્ટરમાં મોટા ભાગનો સમય બોલ પર કબ્જો હતો. પરંતુ આ ક્વાર્ટરમાં કેટલીક નાજુક તકો હતી જેનો તે લાભ ઉઠાવી શક્યા ન હતો. જો કે આ દરમિયાન ભારતીય ખેલાડી સંજયને પણ માથા પર બોલ વાગ્યો હતો જેના કારણે તેને પણ બહાર બેસી જવું પડ્યું હતું. આ ક્વાર્ટરમાં ભારતે આક્રમક રમત દેખાડી હતી. પ્રથમ ક્વાર્ટર 0-0ના સ્કોર સાથે સમાપ્ત થયું.
𝐓𝐡𝐢𝐬 𝐁𝐫𝐨𝐧𝐳𝐞 𝐌𝐞𝐝𝐚𝐥 𝐢𝐬 𝐟𝐨𝐫 𝐈𝐧𝐝𝐢𝐚!
— Hockey India (@TheHockeyIndia) August 8, 2024
Consecutive bronze medals for team India, we defeat Spain in the Bronze Medal match.
Full-Time:
India 🇮🇳 2️⃣ - 1️⃣ 🇪🇸 Spain#Hockey #HockeyIndia #IndiaKaGame #WinItForSreejesh #Paris2024 #INDvsESP@CMO_Odisha… pic.twitter.com/WlpzrZu4jh
હાફ ટાઇમ સુધી ભારતનો એક પણ ગોલ નહીં:
બીજા ક્વાર્ટરમાં રમવા આવેલી ભારતીય ટીમે શાનદાર શરૂઆત કરી અને 3 મિનિટ સુધી બોલને પોતાના કબજામાં રાખ્યો. જે બાદ મેચની 17મી મિનિટે સ્પેનને પેનલ્ટી કોર્નર મળ્યો હતો અને 18મી મિનિટે સ્પેનના ખેલાડીએ પીઆર શ્રીજેશને ફટકારીને પ્રથમ ગોલ મેળવ્યો હતો. આ પછી, સ્પેનિશ ટીમ એટેકિંગ મોડમાં આવી અને 20મી મિનિટે ફરીથી પેનલ્ટી કોર્નર મળ્યો. ભારત ફરી એકવાર એટેકિંગ મોડમાં આવ્યું અને તેની પાસે 25મી મિનિટે ગોલ કરવાની તક હતી પરંતુ તે તેનો ફાયદો ઉઠાવી શક્યું નહીં. ભારતને મેચની 29મી મિનિટે પેનલ્ટી કોર્નર મળ્યો હતો તે પહેલા જ બીજા હાફની સમાપ્તિ પહેલા ભારતને ફરીથી પેનલ્ટી કોર્નર મળ્યો હતો. છેલ્લી 10 સેકન્ડમાં ભારતની હરમનપ્રીત સિંહે શાનદાર ગોલ કરીને વાપસી કરી હતી. બીજા હાફના અંત સુધીમાં સ્કોર 1-1થી બરાબર હતો.
ત્રીજા ક્વાર્ટરમાં ભારત સ્પેન પર ભારે રહી:
ત્રીજા ક્વાર્ટરમાં હાફ ટાઈમ બાદ ભારતે શાનદાર આક્રમક શરૂઆત કરી હતી. એકવાર ભારતીય ખેલાડી હરમનપ્રીતે મેચની 33મી મિનિટે જોરદાર ગોલ કરીને ભારતને લીડ અપાવી હતી. તેના ગોલ બાદ ભારતે 2-1ની સરસાઈ મેળવી અને ભારતની બ્રોન્ઝ મેડલની આશા જીવંત રાખી. જે બાદ ભારતને 34મી મિનિટે પેનલ્ટી કોર્નર મળ્યો હતો. તે પછી, ભારતે શાનદાર પ્રદર્શન કરવાનું ચાલુ રાખ્યું અને વિપક્ષી ટીમને ઉભરવા ન દીધી અને ત્રીજા ક્વાર્ટર સુધી સ્પેન પર 2-1ની સરસાઈ જાળવી રાખી.
ચોથા ક્વાર્ટરમાં ભારતનો રોમાંચક વિજય:
ભારત જ્યારે ચોથા ક્વાર્ટરમાં રમવા આવ્યું ત્યારે તે માત્ર ડિફેન્સ કરવાનું નક્કી કર્યું. ભારતે ચોથા ક્વાર્ટરમાં તેની શાનદાર રમત ચાલુ રાખી અને સ્પેનને એટેકિંગ મોડમાં આવવા ન દીધું અને પોતે જ આક્રમણ ચાલુ રાખ્યું. ગોલકીપર પીઆર શ્રીજેશે શાનદાર રમત રમી અને ઘણા મહત્વપૂર્ણ ગોલ બચાવ્યા અને ભારતને લીડ અપાવી.
આ સાથે ભારતીય હોકી ટીમે 52 વર્ષ બાદ બ્રોન્ઝ મેડલ મેળવી ઇતિહાસ સર્જ્યો છે, અને ભૂતપૂર્વ કેપ્ટન તથા ગોલકીપર પી. આર શ્રીજેશને શાનદાર વિદાય આપી હતી. સમગ્ર સ્ટેડિયમ ભરીય ઝંડાથી ખીલી ઉઠ્યું હતું.
