નવી દિલ્હીઃ ભારતીય ચેસ ટીમે રવિવારે ઓલિમ્પિયાડ 2024માં ઈતિહાસ રચ્યો હતો. ભારતની પુરુષ અને મહિલા ટીમે રવિવારે ઓલિમ્પિયાડમાં ગોલ્ડ મેડલ જીત્યો હતો. તેમના ડબલ ગોલ્ડ મેડલ બાદ ચેસ ખેલાડીઓ ટ્રોફી સાથે રોહિત શર્મા સ્ટાઈલમાં ઉજવણી કરતા જોવા મળ્યા હતા.
તેમની ઐતિહાસિક જીત પછી, ભારતીય ચેસ ટીમ પોડિયમ પર રાષ્ટ્રીય ત્રિરંગા સાથે ખૂબ જ ખુશ દેખાતી હતી, તેના થોડા સમય પછી, બંને બાજુની મહિલા ખેલાડીઓ તાનિયા સચદેવ અને ડી ગુકેશ 2022 ફિફા વર્લ્ડ કપમાં લિયોનેલ મેસીના આઇકોનિક વૉકની ઉજવણી કરતી જોવા મળી હતી.
આ પહેલા ટી-20 વર્લ્ડ કપ 2024માં ફાઈનલ જીત્યા બાદ ભારતીય કેપ્ટન રોહિત શર્મા પણ આવી જ રીતે ઉજવણી કરતા જોવા મળ્યા હતા. ભારતીય પ્રશંસકો ચેસ ખેલાડીઓ દ્વારા આ પ્રકારની ઉજવણીને ખૂબ પસંદ કરી રહ્યા છે અને તેના પર પ્રતિક્રિયા પણ આપી રહ્યા છે.
INDIA BECAME OLYMPIAD CHAMPIONS FOR THE FIRST TIME EVER. 🇮🇳
— Johns. (@CricCrazyJohns) September 23, 2024
- They did " rohit sharma walk" while receving the trophy.pic.twitter.com/rItbI45M8z
- તમને જણાવી દઈએ કે, ડી ગુકેશે ચેસ ઓલિમ્પિયાડમાં પોતાનો બીજો વ્યક્તિગત ગોલ્ડ મેડલ જીતીને ઈતિહાસના પુસ્તકોમાં પોતાનું નામ નોંધાવ્યું છે. ગુકેશે ભારતને પુરૂષ વર્ગમાં તેની પ્રથમ ઓલિમ્પિયાડ જીત અપાવી અને ટોચના બોર્ડ પર તેની 10 મેચોમાંથી 9 જીત્યા એક મેચ ડ્રો કરી.
- તેના સિવાય, ભારતના અર્જુન એરિગાઈસીને 11 મેચમાંથી 10 જીત સાથે બોર્ડ 3 પર શ્રેષ્ઠ પ્રદર્શન કરનાર તરીકે જાહેર કરવામાં આવ્યો હતો. આ બંનેએ ટૂર્નામેન્ટમાં દેશ માટે ઈતિહાસ રચીને ભારતને સંભવિત 22માંથી 21 પોઈન્ટ મેળવવામાં મદદ કરી. પુરુષોની ટીમની ઐતિહાસિક જીત બાદ, હરિકા દ્રોણાવલ્લી, વૈશાલી રમેશબાબુ, દિવ્યા દેશમુખ, વંતિકા અગ્રવાલ, તાનિયા સચદેવ અને અભિજિત કુંટેની મહિલા ટીમે ચેસ ઓલિમ્પિયાડમાં ભારત માટે ઐતિહાસિક ડબલ પૂર્ણ કરીને સુવર્ણ ચંદ્રક જીત્યો હતો.
આ સિદ્ધિ પર વડાપ્રધાન સહિત અનેક પ્રતિષ્ઠિત લોકોએ ભારતીય ખેલાડીઓને અભિનંદન પાઠવ્યા હતા. પીએમ મોદીએ લખ્યું, ભારતની ઐતિહાસિક જીત, કારણ કે અમારી ચેસ ટીમે 45મી ચેસ ઓલિમ્પિયાડ જીતી છે. ભારતે ચેસ ઓલિમ્પિયાડમાં ઓપન અને મહિલા બંને કેટેગરીમાં ગોલ્ડ મેડલ જીત્યા છે.
India dominates 45th Chess Olympiad Open 2024 and finishes a massive four points ahead of the rest
— ChessBase India (@ChessbaseIndia) September 23, 2024
This is the biggest gap between Gold and Silver medal winners since the introduction of match points at 38th Olympiad in 2008.
Top 3
🥇India 🇮🇳 21/22
🥈United States of America 🇺🇸… pic.twitter.com/LFLwkxyzH6
'અમારી અદભૂત પુરુષો અને મહિલા ચેસ ટીમોને અભિનંદન. આ નોંધપાત્ર સિદ્ધિ ભારતની રમતગમતની યાત્રામાં એક નવો અધ્યાય ઉમેરે છે. એવી આશા છે કે આ સફળતા ચેસના શોખીનોની પેઢીઓને રમતમાં ઉત્કૃષ્ટ દેખાવ કરવા પ્રેરણા આપશે'
આ પણ વાંચો:
