દુબઈ: ભારત અને ઈંગ્લેન્ડની ક્રિકેટ ટીમો હાલમાં 5 મેચની આંતરરાષ્ટ્રીય T20 શ્રેણી રમી રહી છે. આ દરમિયાન, ICC એ નવી રેન્કિંગ જાહેર કરી છે. આ વર્ષની T20 રેન્કિંગમાં ઘણા ફેરફારો જોવા મળી રહ્યા છે. ખાસ કરીને ટીમ ઈન્ડિયાના સ્ટાર બેટ્સમેન તિલક વર્માએ ઈતિહાસ રચ્યો છે. તેણે એક સ્થાનનો કૂદકો માર્યો છે અને આ સાથે તે હવે બીજા સ્થાને પહોંચી ગયો છે.
ટ્રેવિસ હેડ ICC T20 રેન્કિંગમાં ટોચ પર:
ICC દ્વારા જાહેર કરાયેલા નવા રેન્કિંગમાં ટ્રેવિસ હેડ ટોચ પર છે. તેમનું રેટિંગ હાલમાં ૮૫૫ છે. દરમિયાન, તિલક વર્મા એક સ્થાન ઉપર આવીને બીજા સ્થાને પહોંચી ગયા છે. તેમનું રેટિંગ હવે ૮૩૨ પર પહોંચી ગયું છે. તિલક વર્મા પહેલીવાર ICC T20 રેન્કિંગમાં બીજા સ્થાને પહોંચ્યા છે. ચેન્નાઈમાં રમાયેલી ભારત અને ઈંગ્લેન્ડ વચ્ચેની બીજી મેચ પછી તેમનું રેટિંગ ૮૪૪ પર પહોંચી ગયું હતું, પરંતુ ત્રીજી મેચમાં તેઓ ઘણા રન બનાવ્યા વિના આઉટ થયા બાદ તેમનું રેટિંગ ઘટીને ૮૩૨ થઈ ગયું છે. આ પછી પણ, તે હવે ટ્રેવિસ હેડની ખૂબ નજીક આવી ગયો છે અને તેનું નંબર વન સ્થાન પણ વધુ જોખમમાં આવી ગયું છે.
England veteran re-claims the top spot in the Men's T20I Bowling Rankings following his exploits in India 👌
— ICC (@ICC) January 29, 2025
More ⬇https://t.co/dPrG1rTQ7R
ભારતનો વરુણ ચક્રવર્તી પહેલીવાર ટોપ-5માં:
વરુણ ચક્રવર્તી નવીનતમ ICC T20 બોલિંગ રેન્કિંગમાં ૫મા સ્થાને પહોંચી ગયો છે. તેના 679 રેટિંગ પોઈન્ટ છે. બીજો કોઈ ભારતીય બોલર ટોપ 5 માં નથી. પરંતુ, જો આપણે ટોચના 10 ની વાત કરીએ, તો વરુણ ચક્રવર્તી ઉપરાંત, અર્શદીપ સિંહ અને રવિ બિશ્નોઈના નામ પણ ICC T20 બોલર્સ રેન્કિંગમાં દેખાય છે. અર્શદીપ સિંહ નવમા સ્થાને છે. રવિ બિશ્નોઈ નવીનતમ ICC રેન્કિંગમાં 10મા ક્રમે છે.
ICC T20 બોલરોના રેન્કિંગમાં આદિલ રાશિદ ટોચ પર:
ઇંગ્લેન્ડનો આદિલ રાશિદ તાજેતરની ICC T20 બોલરોના રેન્કિંગમાં પ્રથમ સ્થાને છે. આ અંગ્રેજી સ્પિનરના 718 રેટિંગ પોઈન્ટ છે. દરમિયાન, વેસ્ટ ઈન્ડિઝનો અકીલ હુસૈન ૭૦૭ રેટિંગ પોઈન્ટ સાથે બીજા સ્થાને છે. શ્રીલંકાના વાનિન્દુ હસરંગા ૬૯૮ રેટિંગ પોઈન્ટ સાથે ત્રીજા સ્થાને છે. ઓસ્ટ્રેલિયાના એડમ ઝામ્પા ૬૯૪ રેટિંગ પોઈન્ટ સાથે ચોથા સ્થાને છે. તેનો અર્થ એ થયો કે એકંદરે, ICC T20 બોલરોના રેન્કિંગમાં સ્પિનરોનું વર્ચસ્વ છે.
HARDIK PANDYA - THE NO.1 T20I ALL ROUNDER IN THE WORLD. ⭐
— Tanuj Singh (@ImTanujSingh) January 29, 2025
- Hardik Pandya retains his No.1 Spot in the ICC T20I All-rounder Rankings. pic.twitter.com/v5zeaBQJIa
ગુજ્જુ બોય હાર્દિક પંડ્યા પણ ટોચમાં:
રાજકોટ ટી20 મેચથી હાર્દિક પંડ્યા ખોટા કારણોસર સમાચારમાં છે. રાજકોટ ટી20 માં મળેલી હાર માટે હાર્દિક પંડ્યાની ટીકા થઈ રહી છે, પરંતુ મેચ સમાપ્ત થયાના માત્ર 14 કલાક પછી, તેને મળેલી ગાળો હવે તાળીઓમાં ફેરવાઈ ગઈ છે. કારણ કે આ ઓલરાઉન્ડર ટીમ ઈન્ડિયાનો નંબર 1 ખેલાડી બની ગયો છે. બુધવારે ICC દ્વારા જાહેર કરાયેલા રેન્કિંગમાં હાર્દિક પંડ્યા વિશ્વનો નંબર 1 T20 ઓલરાઉન્ડર બની ગયો છે. હાર્દિક પંડ્યા ૨૫૫ રેટિંગ પોઈન્ટ સાથે ટોચ પર છે.
આ પણ વાંચો:
