ભાવનગર: એશિયાના સૌથી મોટા અલંગ શિપ બ્રેકીંગ યાર્ડમાં જહાજોની સંખ્યા ખૂબ ઓછી છે. જહાજોની ઓછી આવકને પગલે અને મંદીના મહોલના કારણો જાણવા ઈટીવી ભારતની ટીમે પ્રયાસ કર્યો છે. અલંગ શિપબ્રેકિંગ એસોસિયેશનના ઉપપ્રમુખ રમેશભાઈ મેંદપરા સાથે ખાસ વાતચીત કરી હતી. શુ કહ્યું અલંગ મુદ્દે ચાલો જાણીએ
ગત વર્ષની રાહત યથાવત રાખવાની બજેટમાં માંગ
અલંગ શિપ બ્રેકીંગ એસોસિએશનના ઉપપ્રમુખ રમેશભાઈ મેંદપરાએ આ અંગે જણાવ્યું હતું કે, ખાસ કરીને બજેટમાં ગયા વર્ષે અમે અઢી ટકા જે કસ્ટમ ડ્યુટી હતી. શિપ બ્રેકિંગ ઉપર એની માંગણી કરેલી અને એ માંગણી સ્વીકારવામાં આવેલી કેમ કે, ઈન્ડસ્ટ્રીઝમાં છેલ્લા ત્રણેક વર્ષથી ખૂબ જ મંદીનો માહોલમાંથી પસાર રહી છે, અને કેન્દ્ર સરકારે પ્રોત્સાહન આપવા માટે અઢી ટકા કસ્ટમ ડ્યુટી હટાવી દીધેલી અને આ વખતે અમે એ જ માંગણી કરી છે કે, આ કસ્ટમ ડ્યુટીની જે રાહત આપેલી છે, એને કંટીન્યુ કરવી જોઈએ. આ સિવાય બજેટમાં બીજી કોઈ અસર થતી નથી એટલે કેન્દ્ર સરકારના બજેટમાં માંગણી કરવાની રહેતી નથી.
BISના કાયદામાં રાહત મળે તો TMT સળીયા ઉપડે
વધુમાં જણાવ્યું હતું કે ખાસ કરીને અમે માંગણી સરકારમાં રજૂઆત કરી છે BISનો કાયદો છે એ કાયદાના હિસાબે અલંગની પ્લેટમાંથી જે પહેલા સીધો સળિયો બનતો હતો એ ઉપર પ્રતિબંધ આવી ગયો છે અને અમે કેન્દ્ર સરકારમાં માંગણી કરી છે કે BISનો જે કાયદો છે એની અંદર 12 એમએમ સુધી TMTમાંથી સરીયા સીધા પ્લેટમાંથી બને તો એની કોસ્ટિંગ સસ્તુ આવે, પ્લેટના ભાવ સારા આવે રોલિંગ મીલવાળાને પણ પોસાય અને રોલિંગ મિલના ઉદ્યોગને પણ ફાયદો થાય એટલે. આ રીતે બીઆઈએસનો કાયદો જે છે તેને હટાવવા માટે, કારણ કે અન્ય જે હરીફ કન્ટ્રી છે બાંગ્લાદેશ, પાકિસ્તાન એની અંદર એના પ્લેટમાંથી સીધો સળિયો બને છે એટલે એ લોકોને ત્યાંના પ્લેટ અને સ્ક્રેપના ભાવ વધુ આવે, તો એની કોમ્પિટિશનમાં ટકવા માટે BISનો કાયદો જે છે એમાં રાહત આપવામાં આવે તો જ આ ઇન્ડસ્ટ્રીઝને રાહત મળશે.
EU યુપીયન યુનિયનના જહાજો ખૂબ જરૂરી
વધુમાં તેમણે જણાવ્યું હતું કે, જો આ ઇન્ડસ્ટ્રીઝને ધમધમતી કરવા પહેલા આ BSI અને બીજું છે કે જે રીતે અન્ય કન્ટ્રીઓમાં જે રાહત આપવામાં આવે છે, તો એ પણ રાહત અહીં મળવી જોઈએ. ખાસ કરીને કેન્દ્ર સરકારને અમે EU માટે, એક સરસ મજાની અલંગ શિપ બ્રેકીંગ ઇન્ડસ્ટ્રીઝ છે એ SKCનો કાયદો લાગ્યા પછી દુનિયાની સૌથી સેફ અને ગ્રીન એન્વાયરમેન્ટ વાળી ઇન્ડસ્ટ્રીઝ બની છે, ત્યારે વધુમાં વધુ જહાજો અહીં આવે એટલા માટે યુરોપિયન કન્ટ્રીનો સંપર્ક કરીને આવા જહાજો અહિયાં આવે એના માટેના પ્રયત્ન કરવા જોઈએ. હાલ આ યુદ્ધનો જે માહોલ છે એના હિસાબે પણ જહાજો ઓછા આવે છે. આ ઉપરાંત તૂર્કી અને એની અંદર જે સવલતો ગવર્મેન્ટ આપે છે, બાંગ્લાદેશ પાકિસ્તાનની અંદર એ પણ પ્રકારની અહીંયા આપવી જોઈએ અને એ બાબતમાં કેન્દ્ર સરકાર પોઝીટીવ છે તો આવનારા દિવસોની અંદર જહાજો આવવાની સંભાવના વધી છે.
છેલ્લા પાંચ વર્ષમાં જહાજો ઘટવાથી સ્થિતિ વિકટ
આગળ તેમણે વધુમાં જણાવ્યું હતું કે, છેલ્લા પાંચેક વર્ષથી ખૂબ જ જહાજો ઓછા લાગ્યા છે. 109 જહાજ ખાલી 2024ની અંદર લાગ્યા. જે 400 થી 500 જહાજ લાગે એની જગ્યાએ 109 જહાજ લાગ્યા એટલે આમ જહાજો આવવાની માત્રા ખૂબ જ ઓછી થઈ છે અને જો આવું જ રહેશે તો જે શિપબ્રેકર ભાઈઓ છે તે પોતાના વ્યવસાય કન્વર્ટ કરીને અન્ય બિઝનેસની અંદર ડાયવર્ટ થઈ રહ્યા છે, એટલે આવનારા દિવસોની અંદર જો અને બીજી સગવડો અહીંયા ઊભી કરવામાં આવે તો જહાજો આવવાની સંખ્યા ખૂબ જ વધશે અને દુનિયાના સરખામણીમાં ધમધમતું થઈ શકે છે.
ડોલરની મજબૂતાઈ ખૂબ જરૂરી કેમ
વધુમાં જણાવ્યું હતું કે, ડોલરની વાત કરીએ, તો ડોલરની અંદર છેલ્લા બે મહિનાની તો અનાફ-સનાફ વધારો થયો છે, કે જે ઇન્ડસ્ટ્રીઝને ખૂબ જ મોટું નુકસાન થઈ રહ્યું છે, એટલે ડોલર સ્ટેબલ થાય એના માટે પણ પગલાં લેવાવા જોઈએ. કારણ કે અમારા પેમેન્ટો છે એ એલસી બેઝ હોય છે અને જહાજના પેમેન્ટો છ મહિના પછી થતા હોય અને તે સમયે જે ડોલરનો ભાવ રેટ હોય તે અમારે ભરવા પડતા હોય છે એટલે આ રીતે પણ ઇન્ડસ્ટ્રીઝ ખૂબ અત્યારે આ વસ્તુને ફેસ કરી રહી છે.
