કિંગ્સટન: કિંગસ્ટનમાં બાંગ્લાદેશ સામે રમાઈ રહેલી ટેસ્ટ મેચમાં વેસ્ટ ઈન્ડિઝના એક બોલરે એટલી શાનદાર બોલિંગ કરી કે રેકોર્ડ તૂટી ગયો. છેલ્લા 46 વર્ષમાં ક્રિકેટના સૌથી લાંબા ફોર્મેટમાં આ પ્રકારની પ્રથમવાર બન્યું છે, તેનું પરિણામ એ આવ્યું કે બાંગ્લાદેશની ટીમ બીજી ટેસ્ટના પ્રથમ દાવમાં 200 રનના આંકથી પાછળ રહી ગઈ. જેનાથી યજમાન વેસ્ટ ઈન્ડિઝને મેચ પર કબજો કરવાની તક મળી હતી. બીજી ટેસ્ટમાં વેસ્ટ ઈન્ડિઝને મજબૂત સ્થિતિમાં મુકનાર ખેલાડી જેડન સીલ્સ છે, જેણે બાંગ્લાદેશ સામે ભારતીય બોલરનો રેકોર્ડ તોડીને ઈતિહાસ રચ્યો હતો.
Jayden Seales delivered a masterclass and stands tall amongst the best in the World!#WIvBAN #WIHomeForChristmas pic.twitter.com/bHqdrbz1O1
— Windies Cricket (@windiescricket) December 1, 2024
જેડન સીલ્સે ભારતીય બોલરનો રેકોર્ડ તોડ્યોઃ
જેડન સીલ્સે બાંગ્લાદેશ સામે પ્રથમ દાવમાં 15.5 ઓવર નાંખી, 10 મેડન્સ ફેંકી અને 5 રનમાં 4 વિકેટ લીધી. આમાં, તેનો ઇકોનોમી રેટ 0.31 હતો, જે 1978 પછી પુરુષોની ટેસ્ટ ક્રિકેટમાં નોંધાયેલો શ્રેષ્ઠ ઇકોનોમી રેટ છે. આ પહેલા આ રેકોર્ડ ભારતીય ઝડપી બોલર ઉમેશ યાદવના નામે હતો, જેણે 2015માં દક્ષિણ આફ્રિકા સામેની ટેસ્ટમાં 0.42ની ઈકોનોમી સાથે બોલિંગ કરી હતી. ઉમેશે 21 ઓવરમાં 16 મેડન ઓવર નાખી અને 9 રન આપીને 3 વિકેટ લીધી. પરંતુ ઉમેશનો આ રેકોર્ડ હવે જેડન સીલ્સે તોડી નાખ્યો છે.
45* run partnership takes us into Day 3️⃣ with Brathwaite & Carty in the middle.🏏 #WIvBAN | #WIHomeForChristmas pic.twitter.com/7Rx4lhT2jh
— Windies Cricket (@windiescricket) December 1, 2024
વેસ્ટ ઈન્ડિઝનું બાંગ્લાદેશ પર પ્રભુત્વ:
જેડન સીલ્સે લિટન દાસ, તસ્કીન અહેમદ, મેહદી હસન અને નાહીદ રાણાને આઉટ કર્યા. બોલિંગમાં જેડન સીલ્સને શેમાર જોસેફ અને કેમાર રોચનો પણ પૂરો સાથ મળ્યો. પરિણામ એ આવ્યું કે, બાંગ્લાદેશ પ્રથમ દાવમાં માત્ર 164 રનમાં આઉટ થઈ ગયું. જવાબમાં વેસ્ટ ઈન્ડિઝે પણ પ્રથમ દાવમાં દિવસની રમતના અંતે 1 વિકેટે 70 રન બનાવ્યા હતા.
એટલે કે યજમાન વેસ્ટ ઈન્ડિઝ હવે માત્ર 94 રનથી પાછળ છે અને તેની 9 વિકેટ બાકી છે. આવી સ્થિતિમાં, જો બાંગ્લાદેશ મેચમાં પુનરાગમન કરવા માંગે છે, તો તેણે ઝડપથી વેસ્ટ ઈન્ડિઝની 9 વિકેટ ઝડપી લેવાની યોજના બનાવવી પડશે.
આ પણ વાંચો:
