શારજાહ (યુએઈ): શારજાહ ક્રિકેટ સ્ટેડિયમમાં ભારત અને શ્રીલંકા વચ્ચે અંડર-19 એશિયા કપની બીજી સેમિફાઇનલ મેચ રમાઈ હતી. ભારતીય અંડર-19 ટીમે આ મેચ 7 વિકેટથી જીતીને ફાઇનલમાં જગ્યા બનાવી લીધી છે. આ સાથે જ આ ટૂર્નામેન્ટની સેમીફાઈનલમાં શ્રીલંકન ટીમની સફર સમાપ્ત થઈ ગઈ છે.
ચેનત, કિરણ અને આયુષે ઝડપી વિકેટ :
એશિયા કપ અંડર-19ની બીજી સેમિફાઇનલમાં શ્રીલંકાના કેપ્ટન વિરાન ચામુદિતાએ ટોસ જીત્યો અને મોહમ્મદ અમાનની આગેવાની હેઠળની ટીમ ઇન્ડિયાએ પ્રથમ બોલિંગ કરવાનું પસંદ કર્યું. પ્રથમ બેટિંગ કરતા શ્રીલંકાની ટીમ 46.2 ઓવરમાં 173 રનમાં ઓલઆઉટ થઈ ગઈ હતી. શ્રીલંકા તરફથી શરુજન ષણમુગનાથને 78 બોલમાં 2 ચોગ્ગાની મદદથી 42 રન બનાવ્યા હતા, જ્યારે લેકવિન અબેસિંઘે 110 બોલમાં 3 ચોગ્ગા અને 2 છગ્ગાની મદદથી 69 રન બનાવ્યા હતા. ભારત તરફથી ચેતન શર્માએ 3 અને કિરણ ચોરમલે અને આયુષ મ્હાત્રેએ 2-2 વિકેટ લીધી હતી.
Innings Break!
— BCCI (@BCCI) December 6, 2024
A tremendous bowling performance from India U19 👌
Over to our batters 💪
Live ▶️ https://t.co/016Tkd99kt#TeamIndia | #ACC | #ACCMensU19AsiaCup
📸 ACC pic.twitter.com/yX9jESNn8j
આ સાથે ભારતીય ટીમને ફાઇનલમાં પહોંચવા માટે 174 રનનો ટાર્ગેટ મળ્યો હતો. ભારતીય બેટ્સમેનોએ 21.4 ઓવરમાં 3 વિકેટ ગુમાવીને 175 રન બનાવીને આ લક્ષ્યને સરળતાથી હાંસલ કરી લીધું હતું. આ સાથે ટીમ ઈન્ડિયાએ અંડર-19 એશિયા કપની ફાઈનલમાં જગ્યા બનાવી લીધી છે, જ્યાં તેનો મુકાબલો બાંગ્લાદેશ સામે થશે, જે તેની પ્રથમ ફાઈનલની વિજેતા છે.
આયુષ અને વૈભવે બેટ વડે મચાવી ધૂમ
ભારત તરફથી આયુષ મ્હાત્રે અને વૈભવ સૂર્યવંશી ઇનિંગ્સની શરૂઆત કરવા આવ્યા હતા. બંનેએ પ્રથમ વિકેટ માટે 8.3 ઓવરમાં 91 રન જોડ્યા હતા. આયુષે 28 બોલમાં 7 ચોગ્ગાની મદદથી 34 રન અને વૈભવે 36 બોલમાં 6 ચોગ્ગા અને 5 છગ્ગાની મદદથી 67 રન બનાવ્યા હતા. ભારતને ત્રીજો ફટકો આન્દ્રે સિદ્ધાર્થ સીના રૂપમાં લાગ્યો હતો. તે 27 બોલમાં 2 ચોગ્ગાની મદદથી 22 રન બનાવીને પેવેલિયન પરત ફર્યો હતો. ભારતીય ટીમના કેપ્ટન મોહમ્મદ અમાન (25) અને કેપી કાર્તિકે (11)ની જોડીએ જીત મેળવી હતી.
A memorable day and innings for Vaibhav Suryavanshi as he steers India U19 to a commanding win and is also awarded the Player of the Match 🏆
— BCCI (@BCCI) December 6, 2024
Scorecard ▶️ https://t.co/016Tkd99kt#TeamIndia | #ACC | #ACCMensU19AsiaCup pic.twitter.com/pRLZcNkYR2
હવે એશિયા કપ અંડર-19 ટૂર્નામેન્ટની ફાઇનલ મેચ 8 ડિસેમ્બરે દુબઈ ઈન્ટરનેશનલ ક્રિકેટ સ્ટેડિયમમાં સવારે 10:30 વાગ્યે રમાશે. પ્રથમ સેમિફાઇનલનો વિજેતા બાંગ્લાદેશ ફાઇનલમાં ભારતીય અંડર-19 ટીમ સામે ટકરાશે.
આ પણ વાંચો:
