મુંબઈ: ભારત અને બાંગ્લાદેશ ક્રિકેટ ટીમ વચ્ચે 3 મેચની T20 શ્રેણી રમાઈ રહી છે. આ શ્રેણીમાં ભારતીય ટીમે પ્રથમ બે મેચ જીતીને અજેય સરસાઈ મેળવી લીધી છે. હવે ભારતીય ટીમના ખેલાડીઓની નજર ક્લીન સ્વીપ પર છે. આ સાથે જ બાંગ્લાદેશ પર સતત બીજી શ્રેણીમાં ક્લીન સ્વીપનો ખતરો છે. આ પહેલા ભારતીય ટીમે બાંગ્લાદેશને પણ ટેસ્ટ શ્રેણીમાં 2-0થી હરાવ્યું હતું. બંને ટીમો વચ્ચે T20 શ્રેણીની ત્રીજી અને છેલ્લી મેચ આજે 12 ઓક્ટોબરે હૈદરાબાદના રાજીવ ગાંધી ઈન્ટરનેશનલ સ્ટેડિયમમાં રમાશે.
દશેરાના દિવસે કેવું રહ્યું ભારતનું પ્રદર્શનઃ
ખાસ વાત એ છે કે આજે દશેરા છે. દશેરાને વિજયનું પ્રતિક માનવામાં આવે છે. રામાયણ અનુસાર, દશેરા ઉજવવાનું મુખ્ય કારણ રાવણ પર ભગવાન રામના વિજયની ઉજવણી છે. અયોધ્યાના રાજા ભગવાન રામની પત્ની સીતાનું રાવણે અપહરણ કર્યું હતું. ભગવાન રામે રાવણને યુદ્ધમાં હરાવ્યો અને સીતાને બચાવી. આ દિવસે રામે રાવણનો વધ કર્યો હતો. ભારતીય ક્રિકેટ ટીમ 2000 થી દશેરા પર છ ODI મેચ રમી છે. જેમાં બે મેચ જીતી છે, બે મેચ હારી છે અને 2 મેચ વરસાદના કારણે રદ્દ થઈ છે.
Hello Hyderabad! 👋#TeamIndia have arrived for the Final #INDvBAN T20I and the local lads have a message for you 😎@IDFCFIRSTBank pic.twitter.com/I16G8ZFJjf
— BCCI (@BCCI) October 11, 2024
દશેરાના દિવસે ભારત દ્વારા રમાયેલી ODI મેચો અને તેના પરિણામો:
- 7 ઓક્ટોબર 2000: ભારત વિરુદ્ધ ઓસ્ટ્રેલિયા, નૈરોબી, ભારત 20 રનથી જીત્યું
- 26 ઓક્ટોબર 2001: દક્ષિણ આફ્રિકા વિરુદ્ધ ભારત, ડરબન, ત્રિ-શ્રેણી, ફાઈનલ, ભારત છ વિકેટે જીત્યું
- 28 સપ્ટેમ્બર, 2009: ઓસ્ટ્રેલિયા વિરુદ્ધ ભારત, સેન્ચુરિયન, મેચ વરસાદને કારણે સમાપ્ત થઈ ન હતી
- 17 ઑક્ટોબર 2010: ભારત વિરુદ્ધ ઑસ્ટ્રેલિયા, કોચી, વરસાદને કારણે મેચ રમાઈ ન હતી.
- 13 ઓક્ટોબર 2013: ભારત વિરુદ્ધ ઓસ્ટ્રેલિયા, પૂણે, ભારત 72 રનથી હારી ગયું
- 22 ઓક્ટોબર 2015: ભારત વિ દક્ષિણ આફ્રિકા, ચેન્નાઈ, ભારત 35 રનથી જીત્યું
આ પણ વાંચો:
