મુંબઈ: કાર્તિક આર્યન, વિદ્યા બાલન અને માધુરી દીક્ષિત અભિનીત મોસ્ટ અવેટેડ ફિલ્મ ભૂલ ભૂલૈયા 3 સિનેમાઘરોમાં 1 નવેમ્બરના રોજ રિલીઝ થશે. તે દરમિયાન, તેનું આઇકોનિક સોન્ગ 'આમી જે તોમાર' આખરે નિર્માતાઓ દ્વારા રિલીઝ કરવામાં આવ્યું છે. ચાહકો આ ગીતની આતુરતાથી રાહ જોઈ રહ્યા હતા કારણ કે તેમાં વિદ્યા અને માધુરીએ સાથે ડાન્સ કર્યો છે. પ્રથમ ભૂલ ભૂલૈયામાં, વિદ્યાએ આમી જે તોમર પર ડાન્સ કરીને બધાનું દિલ જીતી લીધું હતું, જ્યારે ભૂલ ભૂલૈયા 2 માં, કાર્તિક આર્યન સોલો અને તબુએ ડબલ રોલમાં ગીત પરફોર્મ કર્યું હતું. હવે વિદ્યાની સાથે માધુરીએ પણ આ આઇકોનિક ગીતમાં પરફોર્મ કર્યું છે.
હાલમાં જ ભૂલ ભુલૈયાની મંજુલિકા એટલે કે વિદ્યા બાલને ગીતની ઝલક બતાવતા કહ્યું હતું કે આમી જે તોમર સોન્ગ 25 ઓક્ટોબરે રિલીઝ થવા જઈ રહી છે. પોસ્ટ કરતી વખતે તેણે લખ્યું, 'આમી જે તોમાર...જુગલ બંદી...આ વખતે માધુરી દીક્ષિત નેનેજી સાથે. આમી જે તોમર 3.0 ગીત ટૂંક સમયમાં રિલીઝ થશે. ભૂલ ભૂલૈયા 3 સિનેમાઘરોમાં 1 નવેમ્બરના રોજ રિલીઝ થશે. આ દિવાળી ભૂલ ભૂલૈયા વાળી.'
ગીતમાં જોવા મળી બે મંજુલિકાની જુગલબંધી
ભૂલ ભુલૈયાની પહેલી ફિલ્મમાં વિદ્યા બાલન આ આઇકોનિક ગીતમાં ડાન્સ કરતી જોવા મળી હતી, જેને દર્શકોએ ખૂબ પસંદ કર્યું હતું. ભૂલ ભુલૈયા 2 માં કાર્તિક આર્યન એ આ ગીત પર ડાન્સ કરીને દર્શકોના દિલ જીતી લીધા હતા અને દર્શકોને પણ અરિજીતના અવાજમાં આ ગીત ખૂબ પસંદ આવ્યું હતું. તેમજ તબ્બુએ પણ આ ગીત પર ડબલ રોલમાં ડાન્સ કર્યો હતો. હવે ભૂલ ભૂલૈયા 3 માં આ ગીત પર બે મંજુલિકા જોવા મળી હતી. તમને જણાવી દઈએ કે આ ફિલ્મમાં માધુરીને બીજી મંજુલિકા તરીકે બતાવવામાં આવી છે. આ ગીતમાં વિદ્યા અને માધુરીની જુગલબંધી પણ જોવા મળી હતી. શ્રેયા ઘોષાલના અવાજમાં આ ગીત દર્શકોને પસંદ આવ્યું છે, જ્યારે વિદ્યા અને માધુરીનો અભિનય પણ અદભૂત છે.
ભૂલ ભુલૈયા 3 દિવાળીના તહેવાર પર એટલે કે 1લી નવેમ્બરે સિનેમાઘરોમાં રિલીઝ થવા જઈ રહી છે. આ ફિલ્મને અનીસ બઝમીએ ડિરેક્ટ કરી છે અને કાર્તિક આર્યન, વિદ્યા બાલન, માધુરી દીક્ષિત, તૃપ્તિ ડિમરી મુખ્ય ભૂમિકામાં છે. આ સિવાય વિજય રાજ, રાજપાલ યાદવ અને સંજય મિશ્રા જેવા કલાકારો સહાયક ભૂમિકામાં છે.
આ પણ વાંચો:
