મુંબઈઃ કારોબારી સપ્તાહના ચોથા દિવસે શેરબજાર ગ્રીન ઝોનમાં ખુલ્યું છે. BSE પર સેન્સેક્સ 208 પોઈન્ટના ઉછાળા સાથે 81,949.68ની સપાટી પર ખુલ્યો હત તે જ સમયે, NSE પર નિફ્ટી 0.32 ટકાના વધારા સાથે 25,030.95ની સપાટી પર ખુલ્યો છે.
મહત્વપૂર્ણ છે કે આજે બજાર ખુલતાની સાથે જ સેન્સેક્સ 200 પોઈન્ટથી વધુ ઉછળ્યો અને રેકોર્ડ 82,015.59ની સપાટી પાર કરી ગયો. જ્યારે નિફ્ટીએ પ્રથમ વખત 25 હજારની સપાટી પાર કરી છે. બજાર ખૂલતાંની સાથે જ મારુતિ સુઝુકી, હિન્દાલ્કો, JSW સ્ટીલ, કોલ ઈન્ડિયા અને ONGC નિફ્ટીમાં વધારા સાથે ટ્રેડ થઈ રહ્યા હતા, જ્યારે હીરો મોટોકોર્પ, અલ્ટ્રાટેક સિમેન્ટ, ઈન્ફોસિસ, સન ફાર્મા અને એશિયન પેઈન્ટ્સ ઘટાડા સાથે ટ્રેડ થઈ રહ્યા હતા.
બુધવારની બજાર
કારોબારી સપ્તાહના ત્રીજા દિવસે શેરબજાર ઉછાળા સાથે બંધ થયું હતું. BSE પર સેન્સેક્સ 344 પોઈન્ટના ઉછાળા સાથે 81,800.34 પર બંધ રહ્યો હતો. જ્યારે NSE પર નિફ્ટી 0.39 ટકાના વધારા સાથે 24,953.35ની સપાટી પર બંધ થયો. ટ્રેડિંગ દરમિયાન, NTPC, એશિયન પેઇન્ટ્સ, BPCL, JSW સ્ટીલ અને ટાટા મોટર્સ નિફ્ટીમાં ટોપ ગેઇનર્સમાં હતા, જ્યારે બ્રિટાનિયા ઇન્ડસ્ટ્રીઝ, પાવર ગ્રીડ કોર્પ, ડૉ. રેડ્ડીઝ લેબ્સ, એપોલો હોસ્પિટલ્સ અને M&Mના શેર્સ ટોપ લોઝર્સમાં હતા.
BSE મિડકેપ ઈન્ડેક્સ લગભગ 1 ટકા વધ્યો હતો, જ્યારે સ્મોલકેપ ઈન્ડેક્સ સ્થિર સ્તરે બંધ થયો હતો. ક્ષેત્રીય મોરચે, રિયલ્ટી અને પીએસયુ બેંકને બાદ કરતાં, અન્ય તમામ ક્ષેત્રીય સૂચકાંકો પાવર, હેલ્થકેર, મેટલ અને ફાર્મા પ્રત્યેક 1 ટકાના ઉછાળા સાથે લીલા રંગમાં બંધ થયા હતા.
