નવી દિલ્હી: ભારતે વૈશ્વિક સ્તરે સ્વ-નિર્મિત અબજોપતિઓમાં ત્રીજું સ્થાન મેળવ્યું છે, આપણા દેશમાં 105 અબજપતિઓની અકલ્પનીય સંખ્યા છે. પરંતુ આ યાદીમાં સૌથી આકર્ષક બાબત એ છે કે, આપણા દેશની બિઝનેસ વુમન, તેઓ પણ આ રેસમાં જોડાઈ રહી છે અને પોતાની લાયકાતના આધારે તેઓ આજે હેડલાઈન્સમાં છે. તો આ સમાચાર દ્વારા જાણીએ ભારતની આવી 6 મહિલાઓ વિશે, જેમણે માત્ર ભારતમાં જ નહીં, પરંતુ સમગ્ર વિશ્વમાં પોતાનું નામ કમાવ્યું છે. જેમાં સુધા મૂર્તિથી લઈને રોશની નાદર સુધી, ભારતની ઘણી એવી બિઝનેસ વુમન છે કે, જેમણે ઘણી મોટી કંપનીઓનું નેતૃત્વ કર્યું છે, અને આજે તેમની પાસે અપાર સંપત્તિ છે.
તો ચાલો, જાણીએ એ 6 મહિલાઓના શૈક્ષણિક લાયકાત વિશે.
1. સુધા મૂર્તિ-
તેઓ પ્રખ્યાત લેખિકા, પરોપકારી અને ઇન્ફોસિસ ફાઉન્ડેશનના ચેરપર્સન છે. તેમણે એનઆર નારાયણ મૂર્તિ સાથે લગ્ન કર્યા છે. તે ઇન્ડિયન ઇન્સ્ટિટ્યૂટ ઑફ સાયન્સની ભૂતપૂર્વ વિદ્યાર્થી છે.
2. કિરણ મઝુમદાર-શો-
કિરણ મઝુમદાર-શો બાયોકોન લિમિટેડ અને બાયોકોન બાયોલોજિક્સ લિમિટેડના સ્થાપક અને એક્ઝિક્યુટિવ ચેરમેન છે. તેઓએ 1968માં બિશપ કોટન ગર્લ્સ હાઇ સ્કૂલમાંથી સ્નાતક કર્યું હતું.
3. ઇન્દ્રા નૂયી-
પેપ્સિકોના ભૂતપૂર્વ પ્રમુખ અને સીઈઓ ઈન્દ્રા નૂયી ભૌતિકશાસ્ત્રમાં સ્નાતકની ડિગ્રી ધરાવે છે. 1975માં, તેમણે મદ્રાસ યુનિવર્સિટીમાંથી તેમની ડિગ્રી પ્રાપ્ત કરી હતી. 1976 માં, તેમણે ઇન્ડિયન ઇન્સ્ટિટ્યૂટ ઓફ મેનેજમેન્ટ કલકત્તાના પોસ્ટ ગ્રેજ્યુએટ પ્રોગ્રામ ડિપ્લોમા પૂર્ણ કર્યો. તેમણે યેલ સ્કૂલ ઓફ મેનેજમેન્ટ (1978) માંથી જાહેર અને ખાનગી બંને મેનેજમેન્ટમાં ડિગ્રી પણ મેળવી છે.
4. ફાલ્ગુની નાયર-
ફાલ્ગુની નાયર ફેશન અને બ્યુટી ઈ-કોમર્સ સાઈટ, નાયકાની સીઈઓ છે. તેમણે સિડનહામ કોલેજમાંથી ડિગ્રી મેળવી છે. તેઓ 1980-1983 દરમિયાન બિઝનેસ/મેનેજમેન્ટ અને એકાઉન્ટિંગમાં બેચલર ઑફ કોમર્સ (B.Com.)સાથે સ્નાતક થયા.
5. રોશની નાદર-
શિવ નાદરની પુત્રી રોશની નાદર HCL કંપનીની CEO છે. રોશનીએ નોર્થવેસ્ટર્ન યુનિવર્સિટીમાં રેડિયો, ટેલિવિઝન અને ફિલ્મમાં વિશેષતા સાથે સંચારનો અભ્યાસ કર્યો. તેમનું શિક્ષણ પૂર્ણ કરવા માટે તેમણે વસંત વેલી સ્કૂલમાં એડમિશન લીધું. તેઓ કેલોગ સ્કૂલ ઓફ મેનેજમેન્ટમાંથી MBA સાથે સ્નાતક થયા.
6. નીતા અંબાણી-
મુકેશ અંબાણીની પત્ની નીતા અંબાણીએ મુંબઈની નરસી મોનજી કોલેજ ઓફ કોમર્સ એન્ડ ઈકોનોમિક્સમાંથી બેચલર ઓફ કોમર્સની ડિગ્રી મેળવી છે. નીતા અંબાણીભરતનાટ્યમ નૃત્યાંગના પણ છે. તેમણે કારકિર્દીના શરૂઆતના દિવસોમાં શિક્ષક તરીકે પણ કામ કર્યું હતું.
