કલકત્તા: પશ્ચિમ બંગાળ વિધાનસભામાં વિપક્ષના નેતા સુભેન્દુ અધિકારીએ વડાપ્રધાન નરેન્દ્ર મોદીના 'સબકા સાથ સબકા વિકાસ' ના નારાની વિરુદ્ધ નિવેદન આપ્યું છે. ભાજપના નેતા શુભેન્દુનું કહેવું છે કે, 'સબકા સાથ સબકા વિકાસ' ના નારાને બદલવાની જરૂર છે. કોલકાતામાં ભાજપની રાજ્ય કારોબારીની બેઠકમાં અધિકારીએ કહ્યું કે, "મેં રાષ્ટ્રવાદી મુસ્લિમો વિશે વાત કરી હતી અને તમે પણ કહ્યું હતું - 'સબકા સાથ, સબકા વિકાસ'. પણ હું આ હવે નહીં કહું. તેના બદલે, હવે આપણે કહીશું, 'જે અમારી સાથે છે, અમે તેમની સાથે છીએ'... આ 'સબકા સાથ, સબકા વિકાસ' બંધ કરો.
#WATCH | At BJP state executive meeting in Kolkata, West Bengal LoP and BJP leader Suvendu Adhikari says, " ...i had spoken about nationalist muslims and you too had said 'sabka saath, sabka vikas'. but i will not say this anymore. instead, we will now say, 'jo hamare saath, hum… pic.twitter.com/mvqKGuJ9iN
— ANI (@ANI) July 17, 2024
અધિકારીએ એમ પણ કહ્યું કે, "ભાજપમાં લઘુમતી મોરચાની કોઈ જરૂર નથી અને તેનું વિસર્જન પણ કરવું જોઈએ. બીજેપી નેતા કહે છે કે, જો અમે રાજ્યમાં જીતીશું તો હિન્દુઓને બચાવીશું." તેમણે બંધારણની રક્ષા કરવાની પણ વાત કરી હતી.
અધિકારીએ પોતાના સંબોધનમાં કહ્યું કે, "હિંદુઓ અને બંધારણને બચાવવાની લડાઈ ચાલુ રહેશે. તેમણે ભાજપના કાર્યકરોને તેમને સમર્થન આપવા વિનંતી કરી. અધિકારીએ કહ્યું, 'મારે જે કહેવું હતું તે કહી દીધું. લડત ચાલુ રહેશે. શું તમે બધા મારી સાથે જોડાશો? શું આપણે પહેલાની જેમ સાથે મળીને લડીશું? આપણે જીતશુઁ. અમે હિંદુઓને બચાવીશું, બંધારણ બચાવીશું."
#WATCH | Kolkata: West Bengal LoP and BJP leader Suvendu Adhikari says, " that slogan was given by the pm and it remains. as a bjp functionary, with heavy pain, i kept my point forward that the bjp's state unit should stand with the party workers, and not with those who do not… pic.twitter.com/mdyFwp980D
— ANI (@ANI) July 17, 2024
શુભેન્દુ અધિકારી દ્વારા વિવાદાસ્પદ નિવેદનની સ્પષ્ટતા: જો કે, તેમના નિવેદનને લઈને મીડિયામાં ચર્ચા શરૂ થયા પછી, શુભેંદુ અધિકારીએ સ્પષ્ટતા કરી કે આ તેમનું અંગત નિવેદન છે. આને પાર્ટીની વિચારધારા સાથે કોઈ લેવાદેવા નથી. અધિકારીએ કહ્યું કે, વડાપ્રધાને આ સૂત્ર આપ્યું હતું, જે આજે પણ છે. ભાજપના કાર્યકર તરીકે, તેમણે ખૂબ જ દુખ વ્યક્ત કર્યું કે પાર્ટીએ તેના કાર્યકરો સાથે ઉભું રહેવું જોઈએ અને જેઓ ભાજપને સમર્થન નથી આપતા તેમની સાથે નહીં.
નેતા સુભેન્દુએ કહ્યું કે, "આ એક રાજકીય નિવેદન છે અને તેને વડાપ્રધાન નરેન્દ્ર મોદીના 'સબકા સાથ સબકા વિકાસ' ના નારા સાથે કોઈ લેવાદેવા નથી. જ્યારે હું મારા મતવિસ્તારમાં જઉ છું ત્યારે ત્યાંના વિકાસ કાર્યોનો હિંદુ અને મુસ્લિમ બંનેને ફાયદો થાય છે. છતાં આપણે સાંભળીએ છીએ કે, ભાજપ હિંદુ પાર્ટી છે, અમને કાળા ઝંડા બતાવવામાં આવે છે અને અમારા વાહનો પર પથ્થરમારો કરવામાં આવે છે. અમે અત્યાર સુધી જે પણ કર્યું છે તે દેશના દરેક નાગરિક માટે છે, પછી ભલે તે કોઈપણ ધર્મના હોય."
પીએમ મોદીએ આપ્યું 'સબકા સાથ, સબકા વિકાસ'નું સૂત્ર: કેન્દ્રમાં સત્તામાં આવ્યા બાદ વડાપ્રધાન નરેન્દ્ર મોદીએ 'સબકા સાથ, સબકા વિકાસ'નું સૂત્ર આપ્યું હતું. બાદમાં તેણે તેમાં 'સબકા વિશ્વાસ અને સબકા પ્રયાસ' પણ ઉમેર્યું, જે ખૂબ લોકપ્રિય બન્યું. ભાજપે તેના પ્રચારમાં તેને મુખ્ય રીતે સામેલ કર્યું હતું.
ભાજપને ચારેય બેઠકો પર હારનો સામનો: નોંધનીય છે કે, લોકસભા ચૂંટણી 2024માં પશ્ચિમ બંગાળમાં ભાજપ 18થી ઘટીને 12 બેઠકો પર આવી ગયું હતું, જ્યારે ટીએમસીએ 42માંથી 29 બેઠકો જીતી હતી. આ પછી યોજાયેલી વિધાનસભા પેટાચૂંટણીમાં ભાજપને ચારેય બેઠકો પર હારનો સામનો કરવો પડ્યો હતો. રવિવારે ન્યૂઝ એજન્સી ANI સાથે વાત કરતી વખતે, અધિકારીએ આરોપ લગાવ્યો હતો કે, લોકસભા ચૂંટણીમાં 50 લાખથી વધુ 'હિંદુઓ'ને મતદાન કરવાની મંજૂરી આપવામાં આવી ન હતી અને પેટાચૂંટણીમાં બે લાખથી વધુ લોકોને મતદાન કરતા અટકાવવામાં આવ્યા હતા.
