નવી દિલ્હીઃ સંસદ સત્રના બીજા દિવસે 18મી લોકસભા માટે ચૂંટાયેલા સાંસદોએ શપથ ગ્રહણ કરી રહ્યા હતા. દરમિયાન હૈદરાબાદના સાંસદ અને AIMIMના વડા અસદુદ્દીન ઓવૈસીએ લોકસભામાં શપથ લેતી વખતે જય ફિલીસ્તાન બોલ્યા ત્યારે ભાજપના સાંસદોએ હોબાળો મચાવ્યો હતો.
#WATCH | AIMIM president and MP Asaduddin Owaisi takes oath as a member of the 18th Lok Sabha; concludes his oath with the words, " jai bhim, jai meem, jai telangana, jai palestine" pic.twitter.com/ewZawXlaOB
— ANI (@ANI) June 25, 2024
હૈદરાબાદથી સતત 5મી વખત ચૂંટાયેલા સાંસદ અસદુદ્દીન ઓવૈસીએ મંગળવારે 18મી લોકસભાના સભ્ય તરીકે ઉર્દૂમાં શપથ લીધા હતા. તેણે છેલ્લે જય ભીમ, જય મીમ, જય તેલંગાણા, જય ફિલીસ્તાન કહ્યું. ઓવૈસીએ સાંસદ તરીકે શપથ લીધા બાદ અલ્લાહ-ઓ-અકબરના નારા પણ લગાવ્યા હતા.
આ પછી ભાજપના સાંસદોએ વિરોધ નોંધાવ્યો અને કાર્યવાહીમાંથી 'જય ફિલીસ્તાન' શબ્દો હટાવવાની માંગ કરી. ભાજપના સાંસદોના વિરોધ બાદ પ્રોટેમ સ્પીકરે કહ્યું કે જો ઓવૈસીના શપથ ભાષણમાં કોઈ વાંધાજનક વસ્તુ મળી આવશે તો તેને કાર્યવાહીના રેકોર્ડમાંથી હટાવી દેવામાં આવશે.
#WATCH | On AIMIM MP Asaduddin Owaisi's words during his oath in the Parliament, Parliamentary Affairs Minister Kiren Rijiju says, " we do not have any enmity with palestine or any other country. while taking the oath is it proper for any member to raise the slogan praising… pic.twitter.com/ZyYXDl5JRF
— ANI (@ANI) June 25, 2024
સંસદીય બાબતોના પ્રધાન કિરેન રિજિજુએ કહ્યું કે અમારી પેલેસ્ટાઈન કે અન્ય કોઈ દેશ સાથે કોઈ દુશ્મની નથી. શપથ લેતી વખતે કોઈ સભ્ય માટે બીજા દેશની પ્રશંસામાં નારા લગાવવા યોગ્ય છે કે કેમ, આપણે આ માટેના નિયમો જોવા પડશે.
અસદુદ્દીન ઓવૈસીએ કહ્યું હતું કે 'જય ભીમ, જય મીમ, જય તેલંગાણા, જય ફિલીસ્તાન' કહેવું કેવી રીતે બંધારણની વિરુદ્ધ છે, બંધારણની જોગવાઈઓ બતાવો. જ્યારે બીજેપી સાંસદ અને કેન્દ્રીય મંત્રી જી કિશન રેડ્ડીએ વિરોધ કર્યો તો ઓવૈસીએ કહ્યું કે વિરોધ કરવાનું તેમનું કામ છે.
#WATCH | On his words while taking the oath, AIMIM president and MP Asaduddin Owaisi says, " everyone is saying a lot of things...i just said "jai bhim, jai meem, jai telangana, jai palestine"...how it is against, show the provision in the constitution..." https://t.co/dirMZIMYtX pic.twitter.com/m6eOGYQDrZ
— ANI (@ANI) June 25, 2024
અસદુદ્દીન ઓવૈસી આ વખતે હૈદરાબાદ લોકસભા સીટ પરથી 3 લાખથી વધુ મતોના અંતરથી જીત્યા છે. તેમણે ભાજપના ઉમેદવાર માધવી લતાને હરાવ્યા અને સતત 5મી વખત સાંસદ બન્યા. લોકસભાના સભ્ય તરીકે શપથ લીધા બાદ ઓવૈસીએ X પર વિડિયો શેર કર્યો અને લખ્યું કે, તેઓ સંસદમાં ઈમાનદારીથી ભારતના હાંસિયામાં ધકેલાઈ ગયેલા લોકોના મુદ્દા ઉઠાવતા રહીશ.
અસદુદ્દીન ઓવૈસીના 'જય ફિલીસ્તાન' બોલવા પર કેન્દ્રીય મંત્રી જી કિશન રેડ્ડીએ કહ્યું કે, તેઓ બિલકુલ ખોટા છે. આ ગૃહના નિયમોની વિરુદ્ધ છે. ભારતમાં રહીને તેઓ 'ભારત માતા કી જય' બોલતા નથી. લોકોએ સમજવું જોઈએ કે તેઓ દેશમાં રહીને ગેરબંધારણીય કામ કરી રહ્યા છે.
Sworn in as member of Lok Sabha for the fifth time. Inshallah I will continue to raise issues of India’s marginalised with sinceritypic.twitter.com/OloVk6D65B
— Asaduddin Owaisi (@asadowaisi) June 25, 2024
