મુંબઈ: મહારાષ્ટ્રમાં મુંબઈના દરિયાકાંઠે બુધવારે મુસાફરોને લઈ જતી બોટ પલટી ગઈ હતી. આ અકસ્માતમાં ત્રણ ખલાસીઓ સહિત 13 લોકોના મોત થયા હતા જ્યારે 101 લોકોનો આબાદ બચાવ થયો હતો. અકસ્માત બાદ 5 લોકો ગુમ છે. હોસ્પિટલમાં દાખલ બે લોકોની હાલત ગંભીર છે. બાકીના લોકોની હાલત સ્થિર છે. રક્ષા મંત્રી રાજનાથ સિંહે દુર્ઘટના પર શોક વ્યક્ત કર્યો છે.
આ અંગે મહારાષ્ટ્રના મુખ્ય પ્રધાન દેવેન્દ્ર ફડણવીસે નાગપુરમાં પત્રકારોને જણાવ્યું હતું કે, મૃતકોમાં 10 નાગરિકો અને ત્રણ નૌકાદળના કર્મચારીઓનો સમાવેશ થાય છે.
Mumbai Boat Accident | A Navy boat collided with a passenger vessel named Neelkamal at around 3.55 pm. 101 have been rescued and 13 people have died: Maharashtra CM Devendra Fadnavis pic.twitter.com/iTSOZsfiVc
— ANI (@ANI) December 18, 2024
તેમણે જણાવ્યું કે, નેવી તરફથી મળેલી માહિતી અનુસાર સાંજે 7.30 વાગ્યા સુધી મૃત્યુઆંક 13 છે. ફડણવીસે જણાવ્યું હતું કે, નીલકમલ બોટ મુંબઈ નજીકના લોકપ્રિય પર્યટન સ્થળ એલિફન્ટા ટાપુ તરફ જઈ રહી હતી, ત્યારે લગભગ 4 વાગ્યે સ્પીડ બોટ તેની સાથે અથડાઈ હતી.
#WATCH | Mumbai Boat Accident | The Indian Coast Guard carried out rescue operations after a ferry capsized near the Gateway of India.
— ANI (@ANI) December 18, 2024
(Video Source: Indian Coast Guard) pic.twitter.com/dAGOT83v2X
તેમણે એ નથી જણાવ્યું કે, બોટ અને સ્પીડ બોટમાં કેટલા લોકો હતા. એક સંરક્ષણ અધિકારીએ જણાવ્યું કે, નેવી અને કોસ્ટ ગાર્ડે મોટા પાયે બચાવ અભિયાન શરૂ કર્યું છે, જેમાં 11 નેવી બોટ, ત્રણ મરીન પોલીસ બોટ અને એક કોસ્ટ ગાર્ડ બોટ આ વિસ્તારમાં તૈનાત કરવામાં આવી છે.
અધિકારીએ જણાવ્યું કે, શોધ અને બચાવ કામગીરીમાં ચાર હેલિકોપ્ટર સામેલ છે. જવાહરલાલ નહેરુ પોર્ટ ઓથોરિટી અને વિસ્તારના માછીમારો પણ બચાવ કામગીરીમાં સામેલ હતા.
Deeply saddened by the loss of precious lives in the collision between passenger ferry and Indian Navy craft in Mumbai Harbour. Injured personnel, including naval personnel & civilians from both vessels, are receiving urgent medical care.
— Rajnath Singh (@rajnathsingh) December 18, 2024
My heartfelt condolences to the…
રક્ષા મંત્રી રાજનાથ સિંહે શોક વ્યક્ત કર્યો
રક્ષા મંત્રી રાજનાથ સિંહે કહ્યું છે કે, મુંબઈ હાર્બરમાં પેસેન્જર ફેરી અને ભારતીય નૌકાદળના જહાજ વચ્ચેની અથડામણમાં લોકોએ જીવ ગુમાવવાથી તેઓ ખૂબ જ દુઃખી છે. તેમણે કહ્યું કે, બંને જહાજોના નૌકાદળના કર્મચારીઓ અને નાગરિકો સહિત ઘાયલ કર્મીઓને તાત્કાલિક તબીબી સંભાળ મળી રહી છે. રક્ષા મંત્રીએ કહ્યું કે, મૃતકોના પરિવારો પ્રત્યે મારી સંવેદના છે. ભારતીય નૌકાદળ અને કોસ્ટ ગાર્ડ દ્વારા વ્યાપક શોધ અને બચાવ પ્રયાસો ચાલુ છે, જેમાં ગુમ થયેલા લોકોને શોધવા માટે અનેક સંસાધનો તૈનાત કરવામાં આવ્યા છે.
Today afternoon, an #IndianNavy craft lost control while undertaking engine trials in Mumbai Harbour due to engine malfunction. As a result, the boat collided with a passenger ferry which subsequently capsized.
— SpokespersonNavy (@indiannavy) December 18, 2024
13 fatalities have been reported so far. Survivors rescued from the…
એન્જિનની ખામીને કારણે નિયંત્રણ ગુમાવ્યા બાદ નેવલ શિપ પેસેન્જર ફેરી સાથે અથડાયું
દુર્ઘટના અંગેના પોતાના નિવેદનમાં ભારતીય નૌકાદળે કહ્યું કે, આજે બપોરે મુંબઈ પોર્ટમાં એન્જિન ટેસ્ટિંગ દરમિયાન એન્જિન ફેલ થવાને કારણે ભારતીય નૌકાદળના જહાજ પર કાબૂ ગુમાવ્યો હતો. પરિણામે, બોટ પેસેન્જર ફેરી સાથે અથડાઈ, જે પછી બોટ પલટી ગઈ. આ દુર્ઘટનામાં અત્યાર સુધીમાં 13 લોકોના મોત થયા હોવાના અહેવાલ છે. ઘટના સ્થળેથી બચાવાયેલા લોકોને નજીકની હોસ્પિટલમાં લઈ જવામાં આવી રહ્યા છે. બચી ગયેલા લોકોને બચાવવા માટે ચાર નૌકાદળના હેલિકોપ્ટર, 11 નૌકાદળના જહાજો, એક કોસ્ટ ગાર્ડ બોટ અને ત્રણ મરીન પોલીસ જહાજો સાથે તરત જ શોધ અને બચાવ કામગીરી શરૂ કરવામાં આવી હતી.
નાગપુરમાં, મહારાષ્ટ્ર વિધાનસભાના અધ્યક્ષ રાહુલ નાર્વેકરે કહ્યું, "...મુંબઈમાં આજે એક ખૂબ જ કમનસીબ ઘટના બની છે. જ્યાંથી બોટ નીકળી હતી, ગેટવે ઑફ ઈન્ડિયા, તે મારા વિધાનસભા મતવિસ્તારનો ભાગ છે. તેમણે કહ્યું કે, આવી ઘટનાઓ ફરી ન બને તે માટે તપાસ કરીને એક યોજના તૈયાર કરવાની જરૂર છે."
આ પણ વાંચો:
