બેંગાલુરુ: અશ્લીલ વિડીયોના સંબંધમાં જાતીય સતામણીના આરોપોનો સામનો કરી રહેલા સાંસદ પ્રજ્વલ રેવન્ના માટે SITએ લુકઆઉટ નોટિસ જાહેર કરી છે. ઉલ્લેખનીય છે કે પ્રજ્વલ રેવન્નાએ પોતાના વકીલ દ્વારા SITની સુનાવણીમાં હાજરી આપવા માટે 7 દિવસનો સમય માંગ્યો હતો, કારણ કે તે વિદેશમાં છે. SIT ટીમે આ વિનંતીને ફગાવી દીધી હતી અને લુકઆઉટ નોટિસ જારી કરી છે.
SITએ દેશના તમામ એરપોર્ટને લુકઆઉટ નોટિસ મોકલી દીધી છે. SIT અધિકારીઓએ કહ્યું કે પ્રજ્વલ રેવન્ના દેશમાં આવતાની સાથે જ તેને કસ્ટડીમાં લેવામાં આવશે. પ્રજ્વલ અને એચડી રેવન્ના વિરુદ્ધ હોલેનરસીપુર પોલીસ સ્ટેશનમાં કથિત જાતીય સતામણીનો કેસ નોંધવામાં આવ્યો હતો. કેસની તપાસ કરી રહેલી SITએ IPCની કલમ 41 હેઠળ નોટિસ જારી કરી છે. આ અંગે ગૃહમંત્રી જી પરમેશ્વરાએ કહ્યું કે જો તેઓ આજે સુનાવણીમાં હાજર નહિ થાય તો SIT તેમની ધરપકડ કરશે.
પીડિતાએ પ્રજ્વલ રેવન્ના વિરુદ્ધ SITમાં ફરિયાદ નોંધાવી હતી. આ પહેલા પ્રજ્વલ રેવન્નાની ધરપકડ અંગે મીડિયા દ્વારા પૂછવામાં આવતા રાજ્યના ગૃહપ્રધાને કહ્યું હતું કે અચાનક કોઈની ધરપકડ કરવામાં આવશે નહીં. તેમણે કહ્યું કે સંબંધિત પુરાવા અને ફરિયાદમાં શું છે તે તમામ મહત્વની બાબતો છે. SITએ દેશના તમામ એરપોર્ટને લુકઆઉટ નોટિસ મોકલી દીધી છે. SIT અધિકારીઓએ કહ્યું કે પ્રજ્વલ રેવન્ના દેશમાં આવતાની સાથે જ તેને કસ્ટડીમાં લેવામાં આવશે. પ્રજ્વલ અને એચડી રેવન્ના વિરુદ્ધ હોલેનરસીપુર પોલીસ સ્ટેશનમાં કથિત જાતીય સતામણીનો કેસ નોંધવામાં આવ્યો હતો.
