નવી દિલ્હીઃ કેન્દ્ર સરકાર શિયાળુ સત્ર દરમિયાન જ સંસદમાં 'વન નેશન, વન ઈલેક્શન' બિલ રજૂ કરી શકે છે. કહેવાય છે કે સરકારે આ અંગે તૈયારીઓ શરૂ કરી દીધી છે.
આ પહેલા કેબિનેટે વન નેશન, વન ઈલેક્શન પર રામનાથ કોવિંદ કમિટીના રિપોર્ટને મંજૂરી આપી દીધી છે. મીડિયા રિપોર્ટ્સ અનુસાર, સરકાર હવે બિલ પર સર્વસંમતિ બનાવવા માંગે છે. આ સાથે તેને વ્યાપક ચર્ચા માટે સંયુક્ત સંસદીય સમિતિ અથવા જેપીસીને મોકલી શકાય છે.
સરકાર એવું પણ સૂચન કરી શકે છે કે બિલ પર વિગતવાર ચર્ચા કરવામાં આવે અને તમામ એસેમ્બલીઓને ચર્ચામાં ભાગ લેવા માટે કહેવામાં આવે. જો કે, તે એક વ્યાપક ખરડો હશે કે અનેક ખરડા, જેમાં બંધારણીય સુધારાનું સૂચન પણ સામેલ હશે તે અંગે નિર્ણય લેવાનો બાકી છે.
વન નેશન વન ઇલેક્શનનો માર્ગ સરળ નથી
ઉલ્લેખનીય છે કે કેન્દ્ર સરકાર શરૂઆતથી જ વન નેશન, વન ઈલેક્શનના પક્ષમાં છે. પરંતુ હાલની વ્યવસ્થાને બદલવી એ પણ ખૂબ જ પડકારજનક કાર્ય છે. આ જોતાં સર્વસંમતિ ખૂબ જ જરૂરી છે. દેશમાં વન નેશન, વન ઈલેક્શન લાગુ કરવા માટે બંધારણમાં સુધારો કરવો પડશે અને તેના માટે લગભગ 6 બિલ લાવવા પડશે. આ ઉપરાંત સંસદમાં આ તમામ બિલો પસાર કરવા માટે પણ બે તૃતીયાંશ બહુમતીની જરૂર પડશે.
ત્યાં બંને જ સદનોમાં એનડીએ પાસે સામાન્ય બહુમત છે. તે કારણે લોકસભા કે રાજ્યસભામાં બે તૃત્યાંસ બહુમત મેળવવો સરકાર માટે મુશ્કેલ કામ હશે. હાલના આંકડાઓ પર નજર દોડાવીએ તો રાજ્યસભામાં એનડીએ પાસે 112 તો વિપક્ષી દળો પાસે 85 સીટો છે. ત્યાં જ વિધેયક પાસ કરાવવા માટે બે તૃત્યાંસ બહુમત એટલે કે 164 મતની જરૂર પડશે.
આમ લોકસભામાં એનડીએની 292 સીટ છે. અહીં બે તૃત્યાંસના બહુમત માટે 364નો આંકડો જોઈશે, પણ લોકસભામાં બહુમત ફક્ત ઉપસ્થિત અને મતદાન કરનારા સદસ્યો પર આધારિત હોય છે.
