નવી દિલ્હીઃ દિલ્હીના પૂર્વ મુખ્યમંત્રી અરવિંદ કેજરીવાલે શુક્રવારે પ્રેસ કોન્ફરન્સ દરમિયાન બીજેપી પર ગંભીર આરોપ લગાવ્યા અને કહ્યું કે પાર્ટી ગુપ્ત રીતે મતદારોના નામ હટાવવાનો પ્રયાસ કરી રહી છે. કેજરીવાલે દાવો કર્યો છે કે છેલ્લા એક મહિનામાં ભાજપે શાહદરા વિધાનસભામાં લગભગ 11,018 મતદારોના મત રદ કરવા માટે અરજીઓ આપી છે અને આ પ્રક્રિયા હજુ પણ ચાલી રહી છે.
કેજરીવાલે કહ્યું, "ભાજપે તેના લેટરહેડ પર વોટ કપાત માટે અરજીઓ આપી છે. છેલ્લા 1.5 મહિનામાં, તેઓએ 11,018 લોકોના વોટ કપાત માટે અરજીઓ આપી છે. આ અરજીઓમાં કહેવામાં આવ્યું છે કે આ લોકો કાં તો બીજે ક્યાંક ચાલ્યા ગયા છે અથવા મૃત્યુ પામ્યા હતા. અમે 500 વોટર્સની રેંડમ તપાસ કરી, જેમાંથી 372 લોકો પોતાના એડ્રેસ પર રહેતા હતા. તેનો મતલબ છે કે તેમની 75 ટકા લિસ્ટમાં ગરબડ છે.
#WATCH | AAP National Convenor Arvind Kejriwal says " ...bjp has given application to cut votes in their letterhead. they had already given applications to cut votes of 11,000 people, in the last 1-1.5 months and that process is underway. in applications, it is said that these… pic.twitter.com/pXIGnNsTSH
— ANI (@ANI) December 6, 2024
કેજરીવાલે એમ પણ કહ્યું કે જો વિધાનસભા મતવિસ્તારમાંથી 6% વોટ કપાઈ જાય તો ચૂંટણી કરાવવાનો કોઈ અર્થ નથી. હાલમાં શાહદરા વિધાનસભામાં કુલ 186,000 મતદારો છે અને ભાજપે આમાંથી લગભગ 11,000 મત કાપવા માટે અરજીઓ આપી છે. કેજરીવાલે ચિંતા વ્યક્ત કરી કે હજુ કેટલી અરજીઓ આવશે તેનો અંદાજ લગાવી શકાય તેમ નથી.
તેમણે ચૂંટણી પંચની ભૂમિકા પર પણ સવાલ ઉઠાવતા કહ્યું કે જે લોકોની વોટ રદ કરવાની અરજીઓ આવી છે તે લોકોની યાદી પંચની વેબસાઇટ પર નથી. કેજરીવાલે કહ્યું, "ત્યાં માત્ર 487 અરજીઓ જ દેખાઈ રહી છે, તેમ છતાં ચૂંટણી પંચે તેમના પર કાર્યવાહી કરી છે. એવું લાગે છે કે ચૂંટણી પંચ ગુપ્ત રીતે ભાજપની અરજીઓ પર કામ કરી રહ્યું છે.
કેજરીવાલે એમ પણ કહ્યું કે 14 વિધાનસભા મતવિસ્તારોમાં ભાજપને જનકપુરીમાંથી લગભગ 6,000, સંગમ વિહારમાંથી 5,000 અને આરકે પુરમમાંથી 4,000 મતદારોને દૂર કરવા માટે અરજીઓ મળી છે. હાલમાં આ અંગે ભાજપ તરફથી હજુ સુધી કોઈ પ્રતિક્રિયા આપવામાં આવી નથી, પરંતુ આગામી ચૂંટણીના સંદર્ભમાં આ વિવાદ મહત્વનો મુદ્દો બની શકે છે.
કેજરીવાલના આરોપો પર શાહદરા ડીએમ રિશિતા ગુપ્તાની પ્રતિક્રિયા:
ડીએમ ઋષિતા ગુપ્તાનું કહેવું છે કે 29 ઓક્ટોબરથી અત્યાર સુધીમાં મતદાર યાદીમાંથી ગેરકાયદેસર નામ કાઢી નાખવા અને કોઈના મૃત્યુના કિસ્સામાં નામ કાઢી નાખવાને લઈને ફોર્મ-7 સંબંધિત માત્ર 494 અરજીઓ મળી છે. પ્રેસ કોન્ફરન્સમાં દાવો કરવામાં આવ્યો હતો કે ભાજપે શાહદરા જિલ્લામાંથી મતદાર યાદીમાંથી 11,018 અરજીઓ આપી છે, આ હકીકતમાં સાચી નથી.
