Cattle Smuggling in Assam: বাইহাটা চাৰিআলিত ২৪ টা ষাঁড় গৰু জব্দ

ৰাজ্যত অব্যহত আছে গৰুৰ চোৰাং সৰবৰাহ । বাইহাটা চাৰিআলি আৰক্ষীয়ে জব্দ কৰিলে নথি-পত্ৰবিহীন ২৪ টাকৈ ষাঁড় গৰু (Cattle seized at Baihata Chariali)। দৰং জিলাৰ ধুলাৰ পৰা AS ২৫ CC ৪৮১৯ নম্বৰৰ এখন ট্ৰাকেৰে গৰুকেইটা সৰবৰাহ কৰি থকাৰ সময়তে আৰক্ষীয়ে জব্দ কৰে বাহনখন ৷ বাইহাটা আৰক্ষীয়ে গোপন খবৰৰ ভিত্তিত বেজেৰাত ট্ৰাকখনত তালাচী চলাই জব্দ কৰা গৰুকেইটা খানাপাৰালৈ নি থকা বুলি জানিব পৰা গৈছে ৷ গাড়ীখনৰ চালকৰ ভাষ্য অনুসৰি গৰুকেইটাৰ গৰাকী চিপাঝাৰৰ মহৰুম আলি । বাইহাটা আৰক্ষীয়ে আটাইকেইটা গৰুৰ স্বাস্থ্য পৰীক্ষা কৰোৱাই মান্দাকাটাত থকা গোশালালৈ প্ৰেৰণ কৰে ।