নলবাৰীত ৰাষ্ট্ৰীয় ঘাইপথৰ দাঁতিত উদ্ধাৰ স্কুটীসহ যুৱকৰ মৃতদেহ

নলবাৰী অঘটন ৷ পুৱাই নলবাৰীৰ গণেশ মন্দিৰৰ সমীপত ৩১ নং ৰাষ্ট্ৰীয় ঘাইপথৰ দাঁতিত উদ্ধাৰ হৈছে এটা অচিনাক্ত মৃতদেহ (Dead body recovered in Nalbari)। মৃতদেহটোৰ কাষতে উদ্ধাৰ হৈছে এখন স্কুটী ৷ স্কুটীখনৰ নম্বৰ হৈছে AS১৫ L৬৬৬৭ । তথ্য অনুসৰি, প্ৰাতঃভ্ৰমণ কৰিবলৈ অহা এজন স্থানীয় লোকে প্ৰথমে প্ৰত্যক্ষ কৰে মৃতদেহটো ৷ তাৰ পাচতেই খবৰ দিয়া হয় আৰক্ষীক ৷ পৰৱৰ্তী সময়ত ঘটনাস্থলীত আৰক্ষী উপস্থিত হৈ উদ্ধাৰ কৰে মৃতদেহটো ৷ বাতৰি সংগ্ৰহ কৰা পৰলৈকে জানিব পৰা হোৱা নাই গাঢ় নীলা ৰঙৰ ট্ৰেকচ্যুট পৰিহিত যুৱকজনৰ পৰিচয় ৷ উল্লেখ্য যে, প্ৰকৃততে এইয়া হত্যাকাণ্ড নে দুৰ্ঘটনা সেয়া বৰ্তমানো নিশ্চিত হোৱা নাই ৷