কৰিমগঞ্জত তিনি বছৰৰ শিশু কন্যাক ধৰ্ষণৰ অপচেষ্টা

কৰিমগঞ্জত পোহৰলৈ আহিছে ধৰ্ষণৰ ঘটনা ৷ তিনি বছৰৰ শিশু কন্যাক ধৰ্ষণৰ চেষ্টা ৰাজু বিশ্বাস নামৰ এক লম্পটৰ । কৰিমগঞ্জ চহৰৰ সুভাষনগৰ এলেকাত ভাড়াতীয়া হিচাপে আছিল শিলচৰৰ ৰাজু বিশ্বাস । সোমবাৰে বিয়লি ভাগত প্ৰতিবেশীৰ ঘৰত এগৰাকী তিনি বছৰীয়া কণমাণি অকলশৰে থকাৰ সুযোগ লৈ ঘৰত প্ৰবেশ কৰি অসৎ কৰ্ম কৰিবলৈ উদ্যত হয় লম্পট ৰাজু বিশ্বাসে ৷ কণমাণি শিশুটোৱে চিঞৰ বাখৰ কৰাত শিশুটিৰ মাক ঘটনাস্থলীত উপস্থিত হৈ লম্পটটোক হাতেলোটে ধৰা পেলায় ৷ পৰৱৰ্তী সময়ত স্থানীয় ৰাইজৰ সহযোগত লম্পট ৰাজু বিশ্বাসক কৰায়ত্ব কৰি আৰক্ষীৰ হাতত গতাই দিয়ে ৷